पछिल्लो समय संघीइ तहदेखि स्थानीय तहसम्मका कर्मचारीहरु उपर कुटपिट र धम्कीका घटनाहरु बढ्न थालेका छन् ।

Advertisement 1

गत बुधबारमात्र ललितपुर जिल्ला अदालतमा कार्यरत नायब सुब्बा प्रेमिका तामाङमाथि कानुन व्यवसायी अमिर लामिछानेले हातपात गरे । नियमविपरीत कार्य गर्नका लागि अनुचित दबाब दिँदा नमानेपछि उनले नासु तामाङलाई हातपात गरी गम्भीर घाइते बनाए ।
अपशव्द बोल्दै उनले गालीगलौज र हातपात गर्दा सुब्बा तामाङको सरकारी पोशाक च्यातियो । ओठमा घाउ भएको जनाइएको छ । यो घटनाको विरोधमा आइतबार देशभरका अदालतका कर्मचारीहरुले पेन डाउन गर्दैछन्,बिहान बिहान १० बजेदेखि अपराह्न १ः३० बजेसम्म ।

यो घटना सेलाउन नपाउँदै सिन्धुलीको गोलन्जोर गाँउपालिकाका प्रमुख प्रशासकिय अधिकृत शम्भुप्रसाद पौडेलमाथि कार्यस्थलमै सोही गाँउपालिका वडा नम्बर २ का वडाअध्यक्ष दौलत कार्कीले गालीगलौज सहित हातपात गरेको घटना सार्वजनिक भएको छ ।

Advertisement 2

यस्तै बडीमालिका नगरपालिकाका प्रमुख प्रशासकीय अधिकृत रङ्गमल वि कलाई वडा नम्बर ६ का वडाअध्यक्ष कृष्ण खड्काले ज्यान मार्ने धम्की दिएको घटना पनि यही समयमा सार्वजनिक भएको छ। कानुन विपरितका योजनाको भुक्तानी नगरेको आक्रोशमा जिम्मेवारी जनप्रतिनिधीले ज्यान मार्ने धम्की दिएको प्रमुख प्रशासकीय अधिकृत विकले जनाएका छन् ।
वडा अध्यक्ष खड्काले प्रक्रिया नपुगी सम्झौता नभएका योजनाहरुको रकम भुक्तानी दिन आग्रह गरेपछि प्रशासकीय अधिकृत विकले प्रक्रिया नै नपुगेका योजनाहरुको भुक्तानी कसरी दिने भन्दा उल्टै प्रमुख प्रशासकीय अधिकृत माथी अध्यक्ष खड्काले ज्यान मार्ने धम्की दिएको बताइएको छ ।

प्रमुख प्रशासकीय अधिकृतलाई ज्यान मार्ने धम्की दिदा पनि नगर प्रमुख अमर खड्काले कुनै वास्ता नगरेको कार्यकारी अधिकृत वि।क।ले सामाजिक संजाल फेसबुकमा दुखेसो पोखेका छन् ।

यता प्युठानको झिमरुक गाउँपालिकाका अध्यक्ष पितबहादुर एमसीका छोरा मिलन एमसीले कार्यालयमै कर्मचारीलाई हातपात गरेको घटना धेरै भएको छैन । माओवादी निकट विद्यार्थी संगठनको केन्द्रीय उपाध्यक्ष समेत रहेका एमसीले पूरा नभएको योजनाको भुक्तानीका लागि धम्काए पछि नमान्दा प्रमुख प्रशासकीय अधिकृत सुवास रिजाल,योजना शाखामा कार्यरत कर्मचारी दीपक जिसीमाथि हातपात तथा दुर्व्यवहार गरेका थिए ।
यी त प्रतिनिधि मूलक घटनाहरु मात्र हुन । यसरी स्थानीय तहका कर्मचारीहरु बढी धम्की र कुटपिटमा पर्ने गरेको देखिदैंछ ।तर,यसरी कर्मचारीमाथि कुटपिट हुँदा धम्की आउँदा समेत कर्मचारीहरुमाथि आक्रमण गर्नेहरुलाई कानुनी कठघरामा उभ्याउन कुनै पनि ट्रेड युनियनले पहलकदमी लिन सकेको देखिदैन ।

कर्मचारी ट्रेड युनियनका आडमा आफू निकटकाको सरुवा, बढुवाधन्दा मात्र चलाउने हो वा कर्मचारीमाथि निरन्तर आक्रमण,धम्की हुँदा त्यस्ता तत्वलाई कानुनी कठघरामा उभ्याई कर्मचारीहरुको अभिभावकको भूमिका देखाउनु पर्ने हो ट्रेड युनियनकर्मीहरुले ?