स्वास्थ्य तथा जनसंख्या मन्त्रालयले स्वास्थ्य सेवाका १९२६ कर्मचारीको समायोजन मिलान टुंग्याएको जनाएको छ । मन्त्रालयका अनुसार,सबैभन्दा बढी एक स्थानीय तहबाट अर्काे स्थानीय तहमा समायोजन मिलान गरिएको छ भने प्रदेशबाट स्थानीय तह र संघबाट प्रदेशमा केही कर्मचारीहरुको समायोजन मिलान टुंग्गिएको छ ।मन्त्रालयका अनुसार,एक स्थानीय तहबाट अर्काे स्थानीय तहमा १८६०,प्रदेशबाट स्थानीय तहमा ३२,एक प्रदेशबाट अर्काे प्रदेशमा १५,संघबाट स्थानीय तहमा २२ जना र संघबाट प्रदेशमा २७ जना कर्मचारीको समायोजन मिलान भएको छ ।
मन्त्रालयका अनुसार प्रदेश र स्थानीय तहबाट संघमा समायोजन मिलान हुनेको संख्या शून्य छ ।
१९२६ जना कर्मचारीको समायोजन मिलान टुंग्याउँदा सबैभन्दा धेरै एक स्थानीय तहबाट अर्को स्थानीय तहमा समायोजन मिलान भएको छ । यसरी समायोजन मिलान हुने कर्मचारीको संख्या १ हजार ८ सय ३० जना रहेको छ ।
तिनमा सबैभन्दा धेरै साहायक स्तरका कर्मचारी १ अजार ५ सय ३७ जना रहेका छन् भने अधिकृतस्तरका २ सय ९३ को समायोजन मिलान भएको हो । यस्तै, प्रदेशबाट स्थानीय तहमा ३२ जना कर्मचारीको समायोजन मिलान भएको छ । जसमा २१ जना अधिकृतस्तर र ११ जना सहायकस्तर कर्मचारी छन् ।
यस्तै प्रदेशबाट अर्काे प्रदेशमा १५ जना कर्मचारीको समायोजन मिलान टुंग्याइएको छ । जसमा ७ जना अधिकृतस्तर र ८ जना सहायकस्तरका कर्मचारी छन् । अधिकृतस्तरका १५ जना र सहायकस्तरका ७ जना गरी २२ जनाको संघबाट स्थानीय तहमा समायोजन मिलान गरिएको छ भने १७ जना अधिकृतस्तर र १० जना सहायकस्तरका कर्मचारी गरी २७ जनाको संघबाट प्रदेशमा समायोजन मिलान भएको छ ।