काम थाल्नु अघि अनिवार्य १५ मिनेट योग ध्यान गर्न कर्मचारीहरुलाई निर्देशन
गृह मन्त्रालयले सशस्त्र प्रहरी कर्मचारी पछि गृहमन्त्रालयका कर्मचारीहरुलाई पनि कार्यालय समय शुरु भएपछि १५ मिनेट अनिवार्य योग ध्यान अभ्यास प्रारम्भ गरेको छ ।
गत असोज ६ गतेदेखि सशस्त्र प्रहरी कर्मचारीमा गृह मन्त्रालय र जीवन विज्ञान संस्थाको संयुक्त सहकार्यमा योग ध्यानसम्बन्धी स्वजागरण अभियानको शुभारम्भ गरिएको उक्त कार्यक्रममा २५० भन्दा बढीको सहभागिता रहेको थियो ।
Advertisement 1
अब यो अभ्यास गृहका कर्मचारीमा पनि शुरु हुने भएको हो । गृहमन्त्री नारायणकाजी श्रेष्ठले अफिस आएपछि पनि १५ मिनेट योग ध्यान गरेर काम सुरु गर्ने, त्यसले सेवाग्राहीसँग नम्र व्यवहार, तनाव व्यवस्थापन र कार्यसम्पादनमा सकारात्मक नतिजा आउने भएका कारण योग ध्यान अनिवार्य गरिएको बताउँदै आएका छन् । योग ध्यान गर्दा ३ देखि ८ गुणा क्षमता बढ्छ भन्ने अध्ययनको नतिजाका आधारमा गृहले योगभ्यास शुरु गराएको गृह मन्त्रालयको भनाई छ ।
सशस्त्र पछि गृहले मातहतका महाशाखाका कर्मचारीहरुलाई दैनिक १५ मिनेट योगाभ्यास गर्न परिपत्र गरेको छ । मन्त्रालयले उपसचिव भीमकान्त शर्माले सबै महाशाखाहरुलाई परिपत्र गर्दे कार्यालय शुरु भएपछि अनिवार्य १५ मिनेट योग अभ्यास गर्न भन्दै परिपत्र गरेका हुन ।
Advertisement 2
जारी परिपत्रमा सबै महाशाखाहरु अन्तरगतका अधिकृत स्तरका सबै कर्मचारीहरुले हरेक दिन बिहान १०ः१५ भित्र अनिवार्य रुपमा १५ मिनेट योग अभ्यास गरिसक्न निर्देशन दिएको छ ।
यस्तो योगअभ्यास र ध्यान गरेर मात्र आफ्नो कार्य जिम्मेवारीअनुसार काम सुरु गर्न मन्त्रालयले निर्देशन दिएको हो । निर्देशनअनुसार कार्यालय समयभित्र नै कर्मचारीले १५ मिनेट योगअभ्यास गर्नुपर्ने भएको छ ।
