उनले दोहारो नागरिकता लिएको पुष्टि भएमा नेपाली नागरिकता रद्द हुनुका साथै एक वर्षदेखि पाँच वर्षसम्म कैद वा ५० हजार रुपैयाँदेखि एक लाख रुपैयाँसम्म जरिवाना वा दुवै सजायँ हुने कानुनी व्यवस्था छ ।

अहिले यो प्रश्न पेचिलोसँग उठेको छ । एउटा हातमा दक्षिणतिरको र अर्काे हातमा नेपालको नागरिकता बोकेर सरकारी सेवामा रहेका कति होलान ?
यस अघि यस्तै प्रकरण बाहिर आएको थियो । भौतिक मन्त्रालय मातहत कार्यरत एक जना उपसचिव रविन्द्रलाल दासमाथि यस्तै आरोप सहित गृहमा परेको उजुरी विचराधिन छ । दास र उनको परिवारले समेत दोहोरो नागरिकता लिएको भन्दै प्रम कार्यालय, राष्ट्रिय सतर्कता केन्द्र, अख्तियारलगायत सरकारी निकायलाई गुहारिएकोमा ती निकायले नागरिकताको विषय आफ्नो क्षेत्राधिकारभन्दा बाहिरको विषय भएको भन्दै कारबाही गर्न गृहलाई गुहारेका छन् ।

दासले बिहार खजौली ठेगानामा भारतीय नागरिकता लिएका छन् भने जिल्ला प्रशासन कार्यालय पर्साबाट समेत नेपाली नागरिकता लिएर उपसचिवस्तरको सरकारी जागिर खाइरहेका छन् ।

उजुरीमा माता इन्द्रकला, पिता नारायण र पत्नी माल्विकाले समेत जिप्रका पर्साबाटै नेपाली नागरिकता लिएको उल्लेख छ । सोही उजुरीपछि पुस ६ गते सचिव रविन्द्रलाल श्रेष्ठको संयोजकत्वमा बसेको उजुरी व्यवस्थापन समितिको बैठकमा उपस्थित कानुन, प्रशासन, आर्थिक प्रशासनसहित चार वटै शाखा प्रमुख, उपप्रमुखदेखि सतर्कता केन्द्रका अधिकारीहरूसमेतले नागरिकताको विषय संवेदनशील भएको र आफ्नो क्षेत्राधिकारभन्दा बाहिरको भएको भन्दै थप अनुसन्धान कारबाही प्रक्रिया अघि बढेको जनाइएको छ ।