समाजवादीको मन्त्रालयमा एमालेको ताँती
मन्त्री माधव नेपालका, मान्छेजति केपी ओलीका । यस्तो गाइजात्रा खोज्न सिंहदरबारतिर छिरे हुन्छ । हालै समाजवादीबाट भौतिक पूर्वाधार मन्त्री बनेका प्रकाश ज्वालाको मन्त्रालयमा हो यो दृश्य देखिने ।
Advertisement 1
माओवादी नेता गिरिराजमणि पोखरेलको इशारामा काम गर्ने भौतिक पूर्वाधार तथा यातायात मन्त्रालयको कर्मचारी प्रशासन (कप्र) का सहसचिव इन्द्रमणि पोखरेल आज सोमबारदेखि अवकास भएका छन् । उनको सट्टामा ‘कालो एमाले’ भनेर चिनिने झक्कप्रसाद आचार्य हाजिर हुँदैछन् ।
विष्णु पौडेलले आफू अर्थमन्त्री हुँदा आन्तरिक राजस्वको महानिर्देशक बनाएका झक्कप्रसादलाई माधव नेपालको पार्टी एकीकृत समाजवादीका तर्फबाट मन्त्री भएका प्रकाश ज्वालाले सबैभन्दा आकर्षक मानिने कप्रमा लैजाने तयारी गरेका छन् ।
आचार्य यस अघि केपी शर्मा ओलीको सरकार हुँदा आन्तरिक राजस्व विभागको महानिर्देशकमा नियुक्त भएका थिए । अर्थ मन्त्रालयको वित्तीय क्षेत्र व्यवस्थापन महाशाखा प्रमुख रहेका उनलाई सबैभन्दा महत्त्वपूर्ण विभागको महानिर्देशकमा नियुक्त गरेको थिए तत्कालीन अर्थमन्त्री विष्णु पौडेलले ।
Advertisement 2
एमाले निकटकै मानिएका तत्कालीन महानिर्देशक विनोद कुँवरलाई गण्डकी प्रदेशतिर लखेटेर त्यहाँ झक्कलाई लगिएको थियो ।
