सरकारले प्राविधिक तर्फका सहसचिव सरजुकुमार वैद्यलाई सचिवमा बढुवा गरेको छ ।

Advertisement 1

सोमबार प्रधानमन्त्रीको सरकारी निवास बालुवाटारमा बसेको बैठकले राजपत्राङ्कित प्रथम श्रेणीका वैद्यलाई राजपत्राङ्कित विशिष्ट श्रेणीमा बढुवा गर्ने निर्णय गरेको हो ।

तीन दशकदेखि सरकारी सेवामा रहेका वैद्य लामो समय जल तथा मौसम विभागमा कार्यरत रहेका कर्मचारी हुन । उनले मौसम विभागको महानिर्देशक समेत चलाए । अहिले उनी जल तथा ऊर्जा आयोगमा कार्यरत छन् । बेलायतबाट स्नातकोत्तर पूरा गरेर स्वदेश फर्केका वैद्यसँग जल तथा मौसम विज्ञान विभागको जिम्मवारी सम्हालेको लामो समयको अनुभव छ ।

Advertisement 2

बढुवा समितिको बैठकले पहिलो नम्बरमा सर्जु कुमार वैद्य, दोस्रो नम्बरमा राम आधार साह र तेस्रो नम्बरमा विश्वबाबु पुडासैनीको नाम सिफारिस गरेको थियो ।