नेपाली नागरिकलाई नक्कली भुटानी शरणार्थी बनाएर अमेरिका पठाउने भन्दै ठगी गरेको प्रकरणमा अहिलेसम्म ७ जनालाई प्रहरीले पक्राउ गरेको छ।

Advertisement 1

झापा, दाङलगायत विभिन्न ठाउँमा रहेका नेपालीलाई भुटानी शरणार्थी बनाएर अमेरिका पठाइदिने भन्दै एउटा गिरोहले करोडौं रुपैयाँ ठगेको भन्दै प्रहरीमा उजुरी परेको थियो। प्रहरीले यो प्रकरणको अनुसन्धान गर्दै जाँदा उच्च राजनीतिक र प्रशासनिक अधिकारीहरू मुछिएका छन्। नेताहरूसँगै उनीहरूका परिवारका सदस्य पनि यो प्रकरणमा मुछिएका छन्। बुधबार जिल्ला प्रहरी परिसर काठमाडौंले उपराष्ट्रपति कार्यालयका सचिव टेकनारायण पाण्डेलाई पक्राउ गरेको छ। गृह सचिव भएका बेला ठगी गिरोहसँग साँठगाँठ गरेको आरोपमा प्रहरीले उनलाई पक्राउ गरेको हो।

यस्तै मंगलबार राजनीतिक पृष्ठभूमिकै अर्का व्यक्ति पनि पक्राउ परे। तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राईलाई प्रहरीले ललितपुरको सुनाकोठीबाट पक्राउ गरेको हो। पूर्व उपप्रधान तथा गृहमन्त्री टोपबहादुर रायमाझी भैरहवाबाट पक्राउ परेका छन् ।उनलाई बिहीबारै काठमाडौँ लैजाने तयारी भएको बुझिएको छ । तर रायमाझी पक्राउ परेकोबारे प्रहरीले औपचारिक रूपमा सार्वजनिक गरेको छैन । त्यस्तै गृहमन्त्री रामबहादुर थापा बादलका छोरा प्रतिक थापाविरुद्ध पनि पक्राउ पुर्जी जारी भएको छ। थापाले गृहमन्त्रीको नाम दुरुपयोग गर्दै ठगीमा संलग्न भएको बयान अन्य पक्राउ परेका व्यक्तिले दिएपछि प्रहरीले जिल्ला अदालतबाट मंगलबार पक्राउका लागि अनुमति लिएको थियो। जिल्ला अदालतले अनुमति दिएपछि उनीहरुविरुद्ध प्रहरीले धमाधम अनुसन्धान थालेको हो।

Advertisement 2

मंगलबार पक्राउ परेका इन्द्रजितले बयानका क्रममा अख्तियार प्रमुख राईको नाम लिएका हुन् । आफूलाई पनि सो प्रकरणमा तानिएपछि अख्तियार प्रमुख राईले बुधबार राष्ट्रपति रामचन्द्र पौडेल र उपराष्ट्रपति रामसहायप्रसाद यादवलाई भेटेको स्रोतको दावी छ । नेपाली नागरिकलाई भुटानी शरणार्थी बनाएर अमेरिका लैजान डकुमेन्ट बनाएको गिरोहका नाइके भनिएका तत्कालीन गृहमन्त्री रामबहादुर थापा बादलका सुरक्षा सल्लाकार इन्द्रजित राईसहितका अन्य पाँच अभियुक्तले बयानका क्रममा प्रेम राईको संलग्नता बारेमा नाम लिएपछि राईले बुधबारमात्रै राष्ट्रपति र उपराष्ट्रपतिसँग भेट गरेर राजिनामाको बारेमा परामर्श गरेका हुन ।

उनी गृह मन्त्रालयको सचिव हुँदा भुटानी शरणार्थी प्रकरणमा संलग्न गिरोहसँग मिलेमतोमा काम भएको आरोप उजुरीमा लगाइएको छ। तत्कालीन गृहसचिव पाण्डे पक्राउ परिसकेका र उनी पनि गृहमा कार्यरत रहेको तथा अख्तियारमा उजुरी परेकाले पक्राउ पर्लान् वा पक्राउ पुर्जी जारी होला, नहोला भन्ने प्रश्न उठेको छ।