बढुवा हुन मात्र दुर्गम जाने प्रवृत्ति बढेपछि सामान्यको एक्सन :-खरिदार पछि रोकियो नासुको सरुवा
आन्तरिक बढुवा खुल्नु भन्दा केहि दिन अगाडि सरुवा मिलाएर हाजिर दुगर्मतिर जाने र बढुवा भएको केहि महिना मै सुगममै फर्कने निजामती क्षेत्रमा देखिएको रोगलाई रोक्नका लागि भन्दै संघीय मामिला तथा सामान्य प्रशासन मन्त्रालयले राजपत्र अनंकित प्रथम श्रेणी (नासु) को सरुवा रद्ध गरेको जनाएको छ ।
Advertisement 1
सरकारले नायब सुव्वा तहका कर्मचारीहरुको सरुवा आगामी माघ १५ सम्म रोकेको छ । बढुवा सूची प्रकाशन हुनु केही महिना अघि दुर्गममा जाने र बढुवा हुने वित्तिकै पसन सुगमकै कार्यालयमा फर्कने रोग बढेसँगै त्यसलाई रोक्नका लागि भन्दै मन्त्रालयले नासुहरुको सरुवा मध्य माघसम्म रोक्का गरेको हो ।
संघीय मामिला तथा सामान्य प्रशासन मन्त्रालयले सबै मन्त्रालय, आयोग, सचिवालय, कार्यालय तथा सबै निकायलाई परिपत्र गर्दै आगामी माघ १५ गते सम्मको लागि नायब सुब्बाको सरुवा स्थगित गरिएको जानकारी गराउँदै कार्यान्वयन गर्न निर्देशन दिएको हो ।
Advertisement 2
मन्त्रालयले लोकसेवा आयोगले सार्वजनिक गरेको विज्ञापनमा प्रभाव परेको भन्दै तत्कालका लागि नायव सुव्वा र सो सरहमा कार्यरत कर्मचारीरुको सरुवा र पदस्थापन कार्य रोकेको जनाएको हो । लोकसेवाको वार्षिक कार्यतालिका अनुसार नायव सुव्बा वा सो सरहको पदमा प्रतिस्पर्धामार्फत खुल्ला तथा वढुवाका लागि विज्ञापन प्रकाशित हुने समयमा कर्मचारी सरुवा गर्दा समस्या देखिएको भन्दै लोकसेवाका परीक्षा सम्पन्न नभएसम्मका लागि सरुवा र पदस्थापन रोकिएको जनाएको छ ।
यस अघि लोकसेवाले खरिदारहरुको सरुवा पनि रोक्का गरिसकेको छ ।
