लोकसेवा आयोगले आर्थिक बर्ष २०७८/ ७९ र ०७९/८० का विभिन्न विज्ञापनहरूको परीक्षा कार्यक्रमको सूची सार्वजनिक गरेको छ । सर्वोच्च अदालतको अन्तरिम आदेश समेतबाट स्थगित गरिएका एवम् परीक्षा कार्यक्रम प्रकाशन हुन बाँकी रहेका रा प द्वितीय श्रेणी (प्राविधिक) वरिष्ठ समाजशास्त्री पद, रा प तृतीय श्रेणी (अप्राविधिक) शाखा अधिकृत वा सो सरह पद, राष्ट्रिय मानव अधिकार सेवाको अधिकृत तृतीय श्रेणी अधिकृत पद, रा पअनं प्रथम श्रेणी (अप्राविधिक प्राविधिक) नायब सुब्बा वा सो सरहका विभिन्न पद, स्वास्थ्य सेवातर्फ पाँचौ तहका विभिन्न पद, राष्ट्रिय मानव अधिकार सेवाको सहायक प्रथम श्रेणी नायव सुब्बा वा सो सरह पद, रा पअन द्वितीय श्रेणी (प्राविधिक) खरिदार वा सो सरह पदका परीक्षा कार्यक्रम सार्वजनिक गरेको हो ।

Advertisement 1

आयोगद्धारा सार्वजनिक सूची अनुसार,राप द्धितीय श्रेणी,विविध सेवा,बरिष्ठ समाजशास्त्री पदका लागि आगामी चैत्रमा हुने आयोगद्धारा जारी तालिकामा उल्लेख गरिएको छ । यस्तै,रा प तृतीय श्रेणी,नेपाल न्याय सेवा शाखा अधिकृत वा सो सरहको विज्ञापन आगामी वैशाखमा हुने आयोगद्धारा जारी सूचनामा जनाइएको छ । राप तृतीय श्रेणी परराष्ट्र,प्रशासन,लेखापरीक्षण,संघीय संसदका शाखा अधिकृत वा सो सरहका पदका संयुक्त र एकीकृत लिखित परीक्षाको कार्यक्रम चैत्रबाट हुने जनाइएको छ । रा प तृतीय श्रेणी,न्याय सेवा शाखा अधिकृत तहको लिखित परीक्षा आगामी बर्ष साउन पहिलो साता हुदैछ ।