सिंहदरबारको अधिकार गाउँ गाउँमा त भनियो तर सिंहदरबारको अधिकार गाउँ गाउँमा पुग्ने भन्दा बढी त्यहाँ छोटे राजाहरु बढी जन्मिएको देखिन्छ । यस्तै घटना घटेको छ मधेश प्रदेशको एउटा जिल्लामा ।

Advertisement 1

धनुषाको मुखियापट्टी मुसहरनिया गाउँपालिकाका अध्यक्षले त्यहाँका कर्मचारीमाथि हतपात गरेको भन्दै पीडित कर्मचारीहरुले जिउ ज्यानको सुरक्षाको माग गर्दै प्रमुख जिल्ला अधिकारीदेखि संघीय मामिला तथा सामान्य प्रशासन मन्त्रालय,अख्तियारसम्मलाई गुहारेका छन्।

सो पालिकाका जनप्रतिनिधिले दुई जना कर्मचारीलाई हातपात गरेको भन्दै उनीहरुले ज्यानको सुरक्षाको माग राख्दै प्रशासनलाई गुहारेका हुन ।
यसरी कर्मचारीमाथि हातपात गर्ने जनप्रतिनिधि हुन्,सो गाउँपालिकाका अध्यक्ष जयकुमार यादवले ।

Advertisement 2

उनले सोही गाउँपालिकामा कार्यरत अधिकृत छैठौं तहका कर्मचारी श्रवण कुमार यादव र सहायक आन्तरिक लेखा परीक्षक नविन कुमार साहमाथि हातपात गरेको आरोप लगाइएको छ।

विगत एक महिनादेखि हाजिरी गर्न नदिइएको विषयलाई लिएर गाउँपालिकाको कार्यालयमा विवाद भएपछि अध्यक्ष यादवले हातपात गरेको कर्मचारीहरुले आरोप लगाउँदै प्रशासनसँग हार गुहार गरेका हुन ।

उनीहरुले पालिका अध्यक्ष यादवसहित निमित्त प्रमुख प्रशासकीय दास र एकजना कार्यपालिका सदस्यका पति लक्ष्मी यादव तथा अध्यक्ष यादवका बाउन्सर बहेरा बेला बस्ने भरत महतोले आफूहरुमाथि कुटपिट गरेको आरोप लगाएका छन् ।

अधिकृत यादव सो गाउँपालिकामा विगत १ वर्षदेखि र लेखा परीक्षक साह विगत ४ महिनादेखि कार्यरत रहेका छन्। उनीहरुले आफूहरुलाई अध्यक्ष यादवले काम नै गर्न नदिएको गुनासो समेत गरे।