सिंहदरकारभित्रका कर्मचारीहरुले अब कागजात छुनु नपर्ने भएको छ । सरकारी कार्यालयका सम्पूर्ण कामकाज डिजिटल माध्यमबाट गर्न सरकारले तयारी अगाडि बढाएसँगै अब सरकारी कर्मचारीहरुले कागजात छुनुनपर्ने भएको छ । सञ्चार तथा सूचना मन्त्रालयले सरकारी निकाय सञ्चालनसम्बन्धी एकीकृत विद्युतीय प्रणाली निर्देशिका, २०७८ जारी गरेर सरकारी अड्डा कागजरहित हुने प्रक्रिया अघि बढाएको हो । जस्को शुरुवात यही महिनाबाटै हुने भएको छ ।

Advertisement 1

सरकारले साउनदेखि सिंहदबारभित्रका कार्यालयमा एकीकृत कार्यालय व्यवस्थापन प्रणाली कार्यान्वयनमा ल्याउने भएको छ । कार्यालयको कामलाई छिटो, छरितो र पारदर्शी बनाउने गरी एकै प्रकृतिका कार्य एउटै सूचना प्रविधि प्रणालीमार्फत सञ्चालन गर्न लागिएको हो ।

शुरुमा सञ्चार तथा सूचना प्रविधि मन्त्रालय र मन्त्रालयमातहतका निकायलाई एकीकृत कार्यालय व्यस्थापन प्रणालीमा लगिनेछ । यस अन्तरगतका निकायहरु सूचना प्रविधि विभाग, मुद्रण विभाग, सूचना विभाग र प्रमाणीकरण नियन्त्रणको कार्यालय तथा हुलाक सेवा विभागहरु पेपरलेश बनाइसकिएको मन्त्रालयले जनाएको छ ।
पहिलो चरणमा साउनभित्रैमा सिंहदरबारभित्रका सबै कार्यालयबाट एकीकृत कार्यालय व्यवस्थापन प्रणाली कार्यान्वयनमा आउने र दोस्रो चरणमा सिंहदरबार बाहिरका कार्यालयमा पनि सेवा विस्तार गर्दै जाने योजना छ ।

Advertisement 2