आइतबार संविधान दिवसका अवसर पारेर सरकारले ९०३ जनालाई विभूषण, अलङ्कार र पदक प्रदान गर्ने कार्यक्रम तय भएको थियो । सरकारले वितरण गर्न लागेको मानपदवी तथा अलंकार बहिष्कार गर्नेको संख्या अहिलेसम्म ५ जना पुगेको छ ।
झण्डै ५० बढी सञ्चारकर्मी तथा पत्रकारलाई पदक प्रदान गर्न लागिएको सूचीमा समावेश गरिएकोमा नयाँ पत्रिका दैनिकका प्रकाशक तथा प्रधानसम्पादक कृष्णज्वाला देवकोटा, हरिबहादुर थापा, नारायण अमृत र कार्टुनिस्ट रविन सायमीले पदक नलिने घोषणा गरेका हुन् । उनीहरूले पदकको वितरण न्यायपूर्ण, विवेकपूर्ण र पारदर्शी हुनुपर्ने बताएका छन् ।
यस्तै,चिकित्सक अशेष ढुङ्गानाले विभूषण बहिस्कार गरेका छन् । ढुंगना वीर अस्पतालका छातिरोग विशेषज्ञका रुपमा कार्यरत छन् । उनले प्रबल जनसेवाश्री पदक नलिने घोषणा गरेका हुन् ।
निजामती कर्मचारीको तह वा श्रेणी साथसाथै आफ्नो शैक्षिक योग्यता वा सह प्राध्यापक सरह नमिलेको भन्दै उनले पदक बहिष्कार गरेको जनाएका छन् । सिफारिस कार्यविधि एवं प्रदान सम्बन्धी मापदण्ड २०७५ अनुसार नेपाल सरकार निजामती कर्मचारीको तह वा श्रेणी र शैक्षिक पद सह प्राध्यापक सरह नमिलेको भन्दै उनले अस्वीकार गरेका छन्। मुलुक गणतन्त्रमा प्रवेश गरे पनि पञ्चायती वा शाही शैलीमा विभूषण, अलङ्कार र पदक   वितरण गर्न लागिएको भन्दै उनीहरूले आलोचना गरेका छन् ।