नेपालमा निजामती प्रशासन किन असफल छ ? निजामती सेवा दिवसमा दिइने पुरस्कार हेरियो भने पनि त्यो प्रष्ट हुन्छ । दुर्गममा बसेर जनताको सेवा गर्ने तथा उच्च पदस्थको चाकडी नगरी इमान्दारीताका साथ काम गर्ने कर्मचारीहरुको निजामती सेवामा कुनै सम्मान नै छैन । चलखेल गर्नेहरुको हालीमुहाली छ । जुन कुरा यो वर्षको निजामती सेवा पुरस्कार छनोटमा स्पष्ट देखिन्छ ।
सरकारले प्रदान गर्ने निजामती पुस्कारमा सिंहदरबार वा संघीय तहकै कर्मचारीको बोलबोला देखिएको छ । यस वर्षको निजामती सेवा दिवसमा पुरस्कार दिन ४० कर्मचारी छनोट गरिएकोमध्ये १४ जना काठमाडौं उपत्याकाभन्दा बाहिरका परेका छन् ।
निजामती सेवा दिवसको अवसर पारेर सरकारले १ जनालाई सर्वोत्कृष्ट,१० जनालाई उत्कृष्ट ३० जनालाई निजामती सेवा पुरस्कार दिएर कर्मचारीहरुलाई सम्मान गर्दै आएको छ । जसमध्ये लाखौं कर्मचारीको भीडमा एक जना पनि सर्वोत्कृष्ठ कर्मचारी फेला पर्न सकेन । विगतका बर्षमा झैं सरकारले निजामती सेवाभित्र एक जना पनि सर्वोत्कृष्ठ कर्मचारी फेला पार्न नसकेको हो । सर्वोत्कृष्टका लागि २ लाख रुपैयाँ राशी छुट्टाइएको छ । पुरस्कृत हुने कर्मचारीहरुको छनोटका लागि मुख्य सचिवको नेतृत्वमा समिति हुन्छ । सो समितिले एक लाख रुपैयाँ राशीको उत्कृष्ट निजामती सेवा पुरस्कार पाउने १० जना छनौंट भएका छन् । जसमध्ये
उत्कृष्ट निजामती पुरस्कार पाउनेमा निर्देशक पदम कुमार श्रेष्ठ,उपसचिव दिपक प्रसाद खतिवडा,हरिप्रसाद ज्ञवाली,मुना शर्मा,प्रकाश राज पौडेल,शोभाखर रेग्मी,सन्तोष पौडेल रहेका छन् ।

Advertisement 1

यस्तै सिनियर डिभिजनल इञ्जिनियर सचिन्द्र कुमार यादव,शाखा अधिकृत रुकु शर्मा पौडेल र सहलेखापाल मंहगु लोध रहेका छन् । उत्कृष्ट निजामती सेवा पुरस्कारको राशी १ लाख रहेको छ । यी दशमध्ये दुई जना मात्र उपत्याका वा सिंहदरबार बाहिरका हुन । यस्तै ५० हजार रुपैयाँ राशीको निजामती सेवा पुरस्कार पाउने ३० जना कर्मचारीहरु छनोटमा परेका छन् ।
सहसचिव सुरेन्द्र मोहन श्रेष्ठ, सहसचिव रमेश अर्याल, उपसचिव लिलाकान्त पौडेल, निर्देशक सत्य नारायण थापा, सिनियर डिभिजनल इन्जिनियर नारायण प्रसाद काफ्ले, उपसचिवत्रय मुन कुमार केसी, ऋषिराम भुसाल र शान्ति बहादुर बस्नेत, निर्देशक सुदन ख्वखली श्रेष्ठ, योजना प्रमुख बद्री प्रसाद शर्मा, सिडिई चन्द्रकाजी गुरुङ, शाखा अधिकृत सीता ढकाल, शाखा अधिकृत टेकराज भट्टराई, हुलाक अधिकृत गोविन्द्र प्रसाद पाण्डे, इकाई प्रमुख युगमणि सबेहाङ, शाखा अधिकृत ऋषिराज आचार्य, योजना अधिकृत खङराज राई, इन्जिनियर जुमुना परियार, कृषि अधिकृत सविता कुमारी जोशी, जिल्ला निर्वाचन अधिकारी शकुन्तला राई, नायव सुब्बा गजत बहादुर पाठक, नायव सुब्बा राम प्रसाद नेपाल, तामेलदार गीता कुमारी थापा, नायव सुब्बा विष्णु बहादुर बस्नेत, नायव सुब्बा मञ्जु कुमारी शाह, डिट्ठा जगविश्वर भट्टराई, खरिदार प्रकाश पौडेल, हल्कारा हरि प्रसाद लम्साल, हलुका सवारी चालक एकराज कोइराला र कार्यालय सहयोगी दशराम थारु रहेका छन् ।

Advertisement 2

४० वटा पुरस्कार दिइदा २८ जना सिंहदरबारभित्रकै छन् । दुर्गममा बसेर जनताको सेवा गर्ने र उत्कृष्ट कार्य सम्पादन भएका कर्मचारी पुरस्कार सूचीमा पर्न सकेनन् ।