केही दिनदेखि सामाजिक सञ्जालमा नेपाल सरकारका उच्च पदस्थ कर्मचारीहरुले तास खेलिरहेको भिडियो छरपष्ट देखिन्छ । जिल्लाको शान्ति सुरक्षा कायम गर्नुपर्ने जिम्मेवारीमा बसेकाहरु दशैंको अवसर पारी तासको खालमा जमेका भिडिओ सामाजिक सञ्जालमा सार्वजनिक मात्र भएको छैन् सोही भिडियोलाई लिएर ती कर्मचारीहरुको चर्काे आलोचना समेत भइरहेको छ ।

Advertisement 1

यसरी सरकारी ओहदामा रहेर जिल्लामा शान्ति,अमन चयन कायम गराउनु पर्ने जिम्मेवारीमा रहेका अधिकारीहरु नै तासको खालमा मस्त हुने अधिकारीहरु हुन सर्लाहीका ।

पदीय मर्यादा ख्याल समेत नगरी  सार्वजनिक स्थानको कुनै चउरमा बसेर तासमा मस्त रहनेहरुमा सर्लाहीका प्रमुख जिल्ला अधिकारी रामकुमार महतो, नेपाल प्रहरीका प्रहरी उपरक्षिक (एसपी) सन्तोष सिंह राठौर र सशस्त्र प्रहरीका एसपी गंगाराम श्रेष्ठ रहेका छन् ।

Advertisement 2

एकातर्फ प्रहरीले नै दिनदिनै जुवातास खेल्ने मानिसलाई पक्राउ गर्दै सीडीओ कार्यालयले मुद्दा चलाउँदै आएको छ । जुवातासमा मुद्दा चलाउने अधिकार सिडीओ कार्यालयसँग हुन्छ । तर, सर्लाहीका सीडीओ महत र एसपी राठौर आफैँ तासमा मस्त भएका छन् ।

ऐन कानुन अनुसार जुवा तास खेल्नु बर्जित मानिन्छ । २०७५ साल भदौदेखि लागु भएको मुलुकी अपराध संहितामा जुवा खेल्ने वा खेलाउनेलाई तीन महिनासम्म कैद वा ३० हजारसम्म जरिवानाको व्यवस्था छ।

यसरी ऐन कानुन परिपालना गराउनु पर्ने व्यक्तिहरु नै तासको खालमा मस्त रहेको भिडियो सामाजिक सञ्जालमा छरपष्ट भएको छ ।

यस्ता अधिकारीबाट कस्तो शान्ति सुरक्षा कायम होला र यी माथि गृहले कस्तो कारवाही गर्ला हेर्न चाहिँ बाँकि छ ।

भिडियो स्रोत :- सुजन पन्त