निषेधाज्ञाबीच बागलुङमा लोकसेवाको परीक्षा
अहिले देशैभरी कोरोनाको महामारी रहेको छ । प्रशासनले तोकेका बाहेक सवारी र हिँडडुल गर्न नपाउने अवस्थामा पनि बागलुङ बजारमा शनिबार (भोली) लोकसेवा आयोगको परीक्षा सञ्चालन हुँदै छ ।
Advertisement 1
निषेधाज्ञा भएका कारण बागलुङ प्रवेश गर्न तथा हिँडडुल गर्न नै समस्या हुन सक्ने भएकाले परीक्षार्थीहरू अलमलमा परेकै बेलामा जिल्ला प्रहरी कार्यालय बागलुङका प्रमुख प्रहरी उपरीक्षक कृष्णबहादुर पल्ली मगरले प्रवेश पत्रका आधारमा उनीहरूलाई सहजीकरण गर्ने बताएका छन्।
सवारीमा आउने, हिँडेर आउने तथा अघिल्लो दिन र परीक्षा भएको दिनमा पनि होटलमा बस्नुपर्ने परीक्षार्थीहरूलाई सवारी सञ्चालनसहित बस्नसमेत सहजीकरण गरिएको एसपी मगरले बताए। ‘परीक्षा सञ्चालन नै हुने भएपछि हामीले स्वास्थ्य सुरक्षाका सबै मापदण्ड पालना गर्दै परीक्षा सञ्चालन गर्न भनेका छौँ। जिल्ला बाहिरबाट समेत परीक्षार्थीहरू आउनुहुन्छ। उहाँहरूलाई समस्या हुन नदिन परीक्षा प्रवेश पत्रको आधारमा सवारी चलाउन दिने भनेका छौँ’, उनले भने, ‘शनिबार बिहान साढे सात बजेबाट परीक्षा सुरु हुने भएकाले बाह्य जिल्लाबाट आउनेहरू शुक्रबार नै होटलमा बस्नुपर्ने हुन्छ। त्यसका लागि पनि हामीले होटेल बसाइमा सहजीकरण गर्ने छौँ।’
Advertisement 2
