काठमाडौं । पेमेन्ट गेटवे प्रकरणमा उद्योग, वाणिज्य तथा आपूर्ति मन्त्रालयका सचिव मधुकुमार मरासिनीले विशेष अदालतबाट सफाइ पाएका छन् । शुक्रबार विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले सचिव मरासिनीसहित आठ जनालाई सफाइ दिएको हो ।

Advertisement 1

मरासिनी प्रकरणमा आठ जनाले भने सफाइ पाएका अदालतका प्रवक्ता धनबहादुर कार्कीले बताए । उनका अनुसार राष्ट्रिय सूचना प्रविधि केन्द्रका तत्कालीन उपनिर्देशक एवं कार्यकारी निर्देशक सुनिल पौडेल भने दोषी ठहर भएका छन् । उनको सजाय निर्धारणको लागि वैशाख २५ गतेका लागि पेसी तोकिएको उनले बताए ।

अख्तियार दुरुपयोग अनुसन्धान आयोगले गत असोजमा सचिव मरासिनीसहित नौ जनामाथि भ्रष्टाचार मुद्दा चलाएको थियो । अख्तियारले मरासिनीसहित राष्ट्रिय सूचना प्रविधि केन्द्रका तत्कालीन कार्यकारी निर्देशक एवम पूर्व सचिव सञ्जय शर्मा, प्रणिता उपाध्याय र सुनिल पौडेल, राष्ट्रिय सूचना प्रविधि केन्द्रका तत्कालीन निर्देशक तथा हालका उपनिर्देशक सफल श्रेष्ठलाईसमेत मुद्दा चलाएको थियो ।

Advertisement 2

त्यस्तै रमेश पोखरेल, रामबहादुर बुढा, रामशरण गायक, नीमबहादुर ओलीविरुद्ध मुद्दा दायर गरेको थियो । अख्तियारले २३ करोड २७ लाख ५८ हजार ७७ रुपैयाँ बिगो मागदाबीसहित मुद्दा दायर गरेको थियो ।