पछिल्लो समय राज्यको नीति निर्माण तहमा महिलाको सङ्ख्या उल्लेखनीय रूपले बढ्न थालेको छ । राष्ट्रिय किताबखानाको तथ्याङ्क हेर्दा निजामती सेवामा महिलाको सहभागिता २७ प्रतिशतको हाराहारीमा पुगेको देखिन्छ ।

Advertisement 1

हालैमात्र परराष्ट्र मन्त्रालयको कायममुकायम सचिवको जिम्मेवारी सेवा लम्सालले पाएकी छिन् । परराष्ट्र सचिव भरतराज पौड्यालले अवकाश अगावैं राजदूतमा सिफारिस भएर संसदीय सुनुवाइ समितिबाट अनुमोदन भइसकेका छन् ।
रिक्त रहेको परराष्ट्र सचिवको जिम्मेवारी वरिष्ठ सहसचिव भएका अहिले कायममुकायम सचिव दिइएको हो ।सचिव पौड्यालले अनिवार्य अवकाश लिएको घोषणापछि परराष्ट्र मन्त्रालयकी वरिष्ठ सहसचिव तथा प्रवक्ता सेवा लम्सालले निमित्त परराष्ट्र सचिवको जिम्मेवारी पाएकी छिन् ।  सरकारले लम्साललाई नै सचिवमा नियुक्त गर्ने निश्चितझैँ छ ।

लम्साल सचिव बढुवा भएको खण्डमा महिला सचिव ९ पुग्नेछन् । अघिल्लो सातामात्र सरिता दवाडीलाई सचिवमा उकालिएको छ । यद्यपि उर्जा सचिव कस्लाई बनाउने भन्नेमा रस्साकस्सी कायमै छ ।

Advertisement 2

हाल प्रधानमन्त्री तथा मन्त्रिपरिषद् कार्यालयमा कानुन हेर्ने सचिवमा लिलादेवी गड्तौला, शिक्षा मन्त्रालय अन्तर्गतको विज्ञान तथा प्रविधि सचिवमा प्रमिलादेवी बज्राचार्य, स्वास्थ्य मन्त्रालयको जनसंख्या र प्रशासनमा देवकुमारी गुरागाईं सचिवको रुपमा कार्यरत छन् ।

यस्तै बढुवा पछि लक्ष्मी बस्नेत गण्डकी प्रदेशको प्रमुख सचिवको जिम्मेवारीमा छिन् भने राधिका अर्याल लुम्बिनी प्रदेशको प्रमुख सचिवको जिम्मेवारीमा छिन । यस्तै महालेखा परीक्षकको कार्यालयमा उपमहालेखा परीक्षक विन्दु विष्ट र सर्वोच्च अदालतमा रजिष्ट्रार निर्मला पौडेल सचिव सरहको हैसियतमा कार्यरत छन् ।