झण्डै आठ महिनादेखि गायब भएका नेपाल सरकारका सहसचिवसँग स्पष्टीकरण सोधिएको छ । विना जानकारी,विदा समेत स्वीकृत नगराइ सम्पर्क विहिन भएका डा कमल गैह्रेलाई ३५ दिनको समयभित्र गयल हुनुको कारणसहित चित्त बुझ्दो जबाफ पेश गर्न मन्त्रालयले दोश्रो पटक सूचना प्रकाशन गरेको हो ।

Advertisement 1

कृषि तथा पशुपन्छी विकास मन्त्रालयमा कार्यरत प्राविधिकतर्फका सहसचिव गत वैशाख २ गतेदेखि सम्पर्क विहिन भएपछि मन्त्रालयले खोजी कार्य अगाडि बढाएको थियो। कर्मचारी संकेत नम्बर १५३३०६ रहेका गैह्रे विना जानकारी बिदा समेत स्वीकृत नगराई हराए पछि मन्त्रालयले खोजबिन अगाडि बढाउँदै यस अघि नै ३५ दिने स्ष्टीकरण मागिएकोमा कुनै जबाफ नआएपछि मन्त्रालयले पुन डा गैरेलाई महिना दिनभित्र चित्त बुझ्दो स्पष्टीकरण पेश गर्न महिना दिनको समय दिएको छ ।

मन्त्रालयले यस अघि गत भदौं १९ मा सूचना निकालेर स्पष्टीकरण माग गरेको थियो । तर साढे दुई महिनासम्म कुनै जबाफ नआएपछि आज पुन अर्काे सार्वजनिक सूचना निकालेर एक महिनाभित्र सन्तोषजनक स्पष्टीकरणसहित उपस्थित हुन निर्देशन दिएको हो ।

Advertisement 2

अन्यथा, भविष्यमा सरकारी सेवाको लागि अयोग्य नठहरिने गरी सेवाबाट हटाउने चेतावनी दिइएको छ । सूचनामा भनिएको छ, ‘तपाईंले बिदा स्वीकृत नगराई आफ्नो पदाधिकार रहेको कार्यालयमा लगातार नब्वे दिनभन्दा बढी समय अनुपस्थित रहनु भएकोले निजामती सेवा ऐन, २०४९ को दफा ६१ (१) खण्ड को कसुरमा सोही ऐनको दफा ५९ को खण्ड (ख) को देहाय (१) बमोजिम भविष्यमा सरकारी सेवाको लागि अयोग्य नठहरिने गरी सेवाबाट हटाउने सजाय किन गर्नु नपर्ने ?