देशभरका १८ हजारभन्दा बढी सार्वजनिक पद धारण गरेका व्यक्तिहरुले सम्पत्ति विवरण नुबझाएको पाइएको छ।
०७६/७७ मा १८ हजार एक सय ७० जनाले सम्पत्ती विवरण नबुझाएका हुन्। सार्वजनिक पद धारण गरेका व्यक्तिहरुले आर्थिक वर्ष समाप्त भएको तीन महिनाभित्र आफ्नो सम्पत्ति विवरण बुझाउनुपर्ने भए पनि अघिल्लो वर्ष १८ हजार व्यक्ति नबुझाएका हुन्।

Advertisement 1

राष्ट्रिय सर्तकता केन्द्रले बिहीबार अख्तियार दुरुपयोग अनुसन्धान आयोगलाई वार्षिक प्रतिवेदन बुझाएको छ।सम्पत्ति विवरण पेश नगर्नेहरुमा संघीय सरकारका १३ हजार ८ सय ४४ जना, २ सय ६३ प्रादेशिक कर्मचारी र स्थानीय तहका ४ हजार ६४ कर्मचारीले सम्पत्ति विवरण नबुझाएका हुन् । यसमध्ये निजामती तर्फका ३ हजार ४ सय २९ जना, नेपाल प्रहरीका १ सय ६१ जना, शिक्षकतर्फ ७ हजार ४ सय ५१ जान कर्मचारी रहेका छन् ।

भ्रष्टाचार निवारण ऐन, २०५९ को दफा ५० को उपदफा १ अनुसार सार्वजनिक पद धारण गरेका व्यक्तिले हरेक आर्थिक बर्षको ६० दिनभित्र सम्पत्ति अनिवार्य सम्पत्ति विवरण पेश गर्नुपर्ने व्यवस्था रहेको छ । केन्द्रले तोकिएको समयभित्र सम्पत्ति विवरण पेश नगर्ने सार्वजनिक पद धारण गरेका व्यक्तिहरुले कानून बमोजिम कारबाहीका लागि आयोगसमक्ष सिफारिस गरेको हो ।