सरकारले सांसद विकास कोषमा रहेको ८ अर्ब २५ करोड रकम भूकम्पपीडितका लागि प्रधानमन्त्री राहत कोषमा जम्मा गर्ने निर्णय गरेको छ। आज बिहान बसेको मन्त्रिपरिषद्को बैठकले सांसद विकास कोषमा रहेको ८ अर्ब ८ अर्ब २५ करोड रुपैयाँमा १ अर्ब ७५ करोड रुपैयाँ थपेर विपद व्यवस्थापनका लागि १० अर्ब उपलब्ध गराउने निर्णय गरेको छ ।
यस्तै जाजरकोट भूकम्प पीडितहरूलाई अस्थायी आवास निर्माणका लागि प्रतिपरिवार ५० हजार रुपैयाँ उपलब्ध गराउने निर्णय गरेको छ ।

Advertisement 1

आज बिहान बालुवाटारमा बसेको मन्त्रिपरिषद् बैठकले उक्त निर्णय गरेको हो । प्रभावित परिवारको स्वःघोषणा र सम्बन्धित वडाको सिफारिसका आधारमा उनीहरुले अस्थायी आवास निर्माणवापत रकम पाउने बताइएको छ ।

त्यसैगरी आजैको बैठकले सरकारी कागजातमा विक्रम संवतसँगै नेपाल संवत् समेत उल्लेख गर्ने निर्णय गरेको छ । बैठकले नेपाल सम्वत् ११४४ (२०८० कात्तिक २८ गतेदेखि) विक्रम संवत् उल्लेख गरिने सरकारी कागजातमा नेपाल संवत् समेत उल्लेख गर्ने निर्णय गरेको छ ।