कर्मचारीको आन्दोलनमा प्रहरी दमनप्रति निजामती ट्रेड युनियनहरूको विरोध
सातादिनदेखि आन्दोलनरत स्थानीय तहका कर्मचारीमाथि प्रहरीले दमन गरेको छ । अघिल्लो साता आइतबारदेखि राजधानीकेन्द्रीत आन्दोलन गरिरहेका कर्मचारीमाथि प्रहरीले दमन भएको भन्दै निजामती क्षेत्रका राष्ट्रिय ट्रेड युनियनहरूले गम्भीर ध्यानाकर्षण भएको जनाएका छन् ।
Advertisement 1
काठमाडौं केन्द्रित शान्तिपूर्ण आन्दोलन जारी रहे पनि कर्मचारीहरूमाथि प्रहरी हस्तक्षेप गरी निर्ममतापूर्वक लखेटी लखेटी कुटपिट गरिएको घटनाले दुःखी बनाएको युनियनहरूले विज्ञप्ति मार्फत जनाएका छन् । विभिन्न ५ वटा युनियनहरूले घटनाको निन्दा र भर्त्सना गर्दै घाइते कर्मचारीहरूको निःशुल्क उपचारको व्यवस्था गर्न सरकारसँग माग गरेका छन् । संघीय संसदमा पेश गर्ने भनिएको विधेयक सरोकारवालासँग पर्याप्त छलफल सुझाव संकलन गर्दै आएकोमा त्यसो नभएको भन्दै विरोध भइरहेको छ ।
विज्ञप्तिमा नेपाल निजामती कर्मचारी संगठनका अध्यक्ष लेखनाथ कोइराला, नेपाल निजामती कर्मचारी युनियनका गोपाल प्रसाद पोखरेलले हस्ताक्ष्ँ गरेका छन् । यस्तै नेपाल राष्ट्रिय कर्मचारी संगठनका अम्बादत्त भट्ट, एकीकृत सरकारी कर्मचारी संगठन नेपालका गगनसिंह विष्ट र नेपाल मधेशी निजामती कर्मचारी मञ्चका उपाध्यक्ष विजयकुमार सिंहले हस्ताक्षर गरेका छन् ।
Advertisement 2
प्रहरीको दमनका कारण झण्डै २५ भन्दा बढी स्थानीय तहका आन्दोलनरत कर्मचारीहरु घाइते भएको र उनीहरुको वानेश्वरस्थित एभरेष्ट,सिभिल अस्पतालमा उपचार भइरहेको छ । घाइते कर्मचारीहरुको अधिकांशको टाउको,ढाड,खुट्टामा चोट लागेको छ ।
