प्रधानमन्त्रीको मोवाइलमा कर्मचारीको म्यासेज ‘सम्माननीयज्यू,नासुको आँशु देख्नु भएन ?’
एकाबिहानैदेखि प्रधानमन्त्री पुष्पकमल दाहालको मोवाइल बजिरहेको छ । मोवाइलमा एकै किसिमका म्यासेजहरु पठाइरहेका छन्,निजामती कर्मचारीहरुले ।
सरकारले संघीय निजामती सेवा विधेयक संसदमा दर्ता गर्न तयारी गरिरहेको छ तर विद्येयकको मस्यौदा स्टक होल्डरहरुले समेत अध्ययन गर्न नपाएको स्थिति छ । यस्तो अबस्थामा ल्याइन लागेको विद्येयकका कतिपय प्रावधान तल्ला तहका कर्मचारीमारा रहेको भन्दै विद्येयकका प्रावधानहरु सच्याउनका लागि निजामती कर्मचारीहरुले दबाबस्वरुप सम्माननीय प्रधानमन्त्रीलाई म्यासेज पठाएका हुन ।
शुक्रवार बिहानैदेखि निजामती कर्मचारीहरुले प्रधानमन्त्री पुष्पकमल दाहालको मोवाइलमा सम्माननीय प्रधानमन्त्रीज्यू, नासुका आँसु देख्नु भएन ?’ लेखिएको एसएमएस पठाएका हुन ।
राजपत्र अनंकित कर्मचारी संरक्षण अभियानको पहलमा देशभरबाट कर्मचारीले विभिन्न माग राखेर कर्मचारीहरूले विधेयकमा आफ्ना माग सम्बोधन गर्न आग्रह गर्दै प्रधानमन्त्री, उपप्रधानमन्त्री, संघीय मामिला मन्त्री र मुख्य सचिवलाई एसएमएस पठाइएको एक कर्मचारीले बताए।
Advertisement 1
उनीहरुले निजामती सेवा अधिकृतमुखी बनाउँदै ५ वर्ष सेवा अवधि भएकालाई १ तह र १० वर्ष सेवा अवधि भएकालाई २ तह वृद्धि सहित तीनै तहमा तहगत प्रणाली लागु गर्न उनीहरूले माग गरेका छन्।
आफ्ना माग पूरा नभए आन्दोलनका कार्यक्रम अगाडि बढाउन बाध्य हुने समेत उनीहरूले जनाएका छन् ।
Advertisement 2
यस्तो छ एस एम एसको विवरण
सम्माननीय प्रधानमन्त्रीज्यू,नासुका आँशुू देख्नु भएन ?
१) निजामती सेवा अधिकृतमुखी बनाउँदै ५ वर्ष सेवा अवधि भएकालाई १ तह र १० वर्ष सेवा अवधि भएकालाई २ तह वृद्धि सहित तिनै तहमा तहगत प्रणाली लागू गरियोस्
२) अधिकृत तहको सेवा प्रवेश बिन्दु छैटौँ तहलाई कायम गरियोस्
३) छैटौँ अधिकृत तहको पदपूर्तिमा ५० प्रतिशत खुल्ला, ४० प्रतिशत बढुवा, १० प्रतिशत आन्तरिक वा अन्तर तह प्रतिस्पर्धाको व्यवस्था होस्
४ )चौथो तहको पदपूर्तिमा ७० प्रतिशत खुल्ला, २० प्रतिशत बढुवा र १० प्रतिशत आन्तरिक प्रतिस्पर्धाको व्यवस्था होस् अन्य पदमा हालको व्यवस्था यथावत कायम गरियोस्
५) तोकिएको सेवा अवधि र शैक्षिक योग्यता भएका राजपत्र अनंकित कर्मचारीलाई एघारौँ र नवौं तहको खुला प्रतिस्पर्धामा सहभागी हुन नरोकियोस
६) एकपटकलाई समायोजनको पुनरावलोकन व्यवस्था सहित प्रदेश र स्थानीय तहका कर्मचारीको अन्तर प्रदेश सरुवाको व्यवस्था गरियोस्
७) सरुवा प्रणाली चक्रीय र पूर्वानुमान योग्य बनाइयोस्
