सामान्यको प्रशासन महाशाखा प्रमुखमा दाहाल
संघीय मामिला तथा सामान्य प्रशासनको कर्मचारी प्रशासन महाशाखा प्रमुखको जिम्मेवारी सहसचिव सुमन दाहालले पाएका छन ।
Advertisement 1
५८ सहसचिवको सरुवा हुँदा राष्ट्रिय योजना आयोगबाट संघीय मामिला तथा सामान्य प्रशासन मन्त्रालयमा सरुवा भएर गएका दाहाललाई कर्मचारी प्रशासन महाशाखाको प्रमुखको जिम्मेवारी दिइएको सामान्य प्रशासन मन्त्रालय स्रोतले जानकारी दिएको छ । दाहालले आजै देखि कप्र महाशाखा प्रमुखको जिम्मेवारी सम्हालेका हुन ।
अमनलाल मोदी मन्त्री हुँदा कर्मचारी प्रशासन महाशाखाको प्रमुख बनाएर ल्याइएका हेमराज तामाङलाई संस्कृति पर्यटन तथा नागरिक उड्डयन मन्त्रालयमा पठाइएको थियो । उनलाई मन्त्रालयको पर्यटन विभागको महानिर्देशक बनाउन खोजिएको बताइएको छ ।
Advertisement 2
सामान्यमा सहसचिवद्धय सुमन दाहाल र डा नारायणप्रसाद रेग्मी भित्रिएका थिए । दाहालले यस अघि नै भन्सार विभागको महानिर्देशक चलाइसकेका छन् । यस्का अलवा अर्थमन्त्रालयको पनि प्रवक्ता चलाइसकेका दाहाल कोशी प्रदेश सरकारका अर्थसचिव समेत चलाइसकेका कर्मचारी हुन ।
अर्थ मन्त्रालयमा रहँदा मन्त्रालयको वित्तीय संघीयता समन्वय महाशाखा प्रमुखको जिम्मेवारी सम्हालिसकेका उनी काविल प्रशासकका रुपमा चिनिन्छन् ।
