नेपाल टेलिकमको संचालक समिति सदस्यमा सहसचिव टोकराज पाण्डे नियुक्त भएका छन्। अर्थ मन्त्रालयको मन्त्रिस्तरीय निर्णय गर्दै पाण्डेलाई नेपाल टेलिकमको सञ्चालक समितिको सदस्यमा पठाएको हो । पाण्डेले हिजोमात्र पद तथा गोपनियताको सपथ लिएका छन् ।

Advertisement 1

अब टेलिकमको सञ्चालक समितिमा सञ्चार सचिव कृष्णबहादुर राउतदेखि सुनिल पौडेल कानुनका सहसचिव सुशील कोइराला,अहिले एयरपोर्ट भन्सारमा पुगेका टोकराज पाण्डे,सञ्चारका सहसचिव बाबुराम भण्डारी,शेयर कारोवारी अम्बिका पौडेल र शंकर लामिछाने छन् । टेलिकमको संचालक समितिमा अर्थ मन्त्रालयको तर्फबाट एक जना सहसचिवलाई पठाउने व्यवस्था छ । सोहि अनुसार पाण्डे संचालक चयन भएका हुन् । पाण्डे अर्थका अर्का सहसचिव उत्तर कुमार खत्रीको ठाउँमा टेलिकमको संचालक नियुक्त भएका हुन ।

सय किलो सुन बरामद भएको सातापछि त्रिभुवन विमानस्थल भन्सार कार्यालयको प्रमुख भन्सार प्रशासकको जिम्मेवारी दिएर पठाइएको छ । यस अघि पाण्डेलाई राष्ट्रिय किताबखानाको महानिर्देशकबाट अर्थ मन्त्रालयमा ल्याइएको थियो ।