४१४ नायब सुब्बाको सरुवा, विभिन्न मन्त्रालयदेखि स्थानीय तहसम्म जिम्मेवारी हेरफेर
काठमाडौं। भूमि व्यवस्था, सहकारी तथा संघीय मामिला तथा सामान्य प्रशासन मन्त्रालयले ठूलो संख्यामा नायब सुब्बा (नासु) को सरुवा तथा कामकाजमा खटाउने निर्णय गरेको छ।
Advertisement 1
मन्त्रालयले २०८३ असोज ३ गते गरेको निर्णयअनुसार नेपाल प्रशासन सेवा, सामान्य प्रशासन समूहअन्तर्गत राजपत्र अनंकित प्रथम श्रेणीका ४१४ जना कर्मचारीको सरुवा तथा कामकाज व्यवस्थापन गरिएको हो।
सरुवा सूचीमा विभिन्न मन्त्रालय, विभाग, जिल्ला तथा इलाका प्रशासन कार्यालय, मालपोत कार्यालय र स्थानीय तहमा कार्यरत नायब सुब्बाहरू समेटिएका छन्। उनीहरूलाई संघीय सरकारका विभिन्न मन्त्रालय, विभाग तथा मातहतका कार्यालयमा नयाँ जिम्मेवारी दिइएको छ।
Advertisement 2
निर्णयअनुसार कर्मचारीहरूलाई गृह मन्त्रालय, भूमि व्यवस्थापन तथा अभिलेख विभाग, सूचना तथा सञ्चारसम्बन्धी मन्त्रालय तथा पूर्वाधार विकाससम्बन्धी मन्त्रालयलगायत विभिन्न निकाय र मातहतका कार्यालयमा सरुवा तथा कामकाजमा खटाइएको छ।
