सामान्यतया कुनैपनि विद्यालयको प्रधानाध्यापक भनेपछि हाम्रो मनमा एउटा ‘विम्ब’ बन्छ । पाको उमेर, कपाल अलिअलि फुलेको, अनुभवी हुन्छन् भन्ने हामीलाई लाग्छ। तर यस्तो मात्र होइन, पाँचथरको एउटा विद्यालयमा २१ वर्षका युवक प्रधानाध्यापक बनेर रेकड ब्रेक गरेका छन् ।

Advertisement 1

नेपालकै कान्छा हेडसरको उपनामले केही दिनदेखी एकजना युवा निकै चर्चामा छन् । उनी हुन् सरोज श्रेष्ठ, उमेर २१ वर्षका । सामान्यतया, विद्यालयको प्रधानाध्यापक भनेपछि हाम्रो मस्तिष्कमा ४० देखी ५०-५५ को मानिसको चित्र बन्दछ । तर जम्मा २१ वर्ष पुगेका सरोज श्रेष्ठले रेकड ब्रेक गरेका छन्।

उनी ५ कक्षासम्म अध्ययन गराइने  बाल विकास आधारभूत विद्यालयका हेडसर भएका हुन। यस विद्यालयमा २०७८ साल कात्तिक महिनादेखि उनले पढाइरहेका छन्। श्रेष्ठले २०७९ कात्तिकमै करार प्रधानाध्यापक भएका हुन्। उनले प्रदेश नम्बर १ को शिक्षा आयोगबाट निम्न माध्यमिक तहको स्थायी दरबन्दी पनि पाइ सकेका छन्। उनी आफू अघिका प्रधानाध्यापकले अवकाश पाएपछि शिक्षक र व्यवस्थापनको पहलमा प्रधानाध्यापक बनेका हुन्। २०५७ साल ११ महिना १० गते फाल्गुनन्द गाउँपालिका वार्ड न.१ भोगटेका स्थायी बासी हुन् उनी ।

Advertisement 2

तिरतिरे आधारभूत विद्यालयबाट ५ कक्षा सम्म अध्ययन गरे भने कक्षा ६ देखि १० सम्म उनले सिद्धेश्वरी माविबाट ५८.७९ प्रतिशत ल्याएका छन् । उच्च मावि सिद्धदेवी माध्यमिक विद्यालय उमलावुङ नविडाडाबाट ५८ प्रतिशत ल्याएर छन्। स्नातक तह अध्ययन गर्न २०७४ सालमा इलामको महेन्द्र रत्न बहुमुखी क्याम्पसमा भर्ना भई २०७८ सालमा ६२.२३ प्रतिशत अंकलाएर स्नातक पास गरेका छन् ।