मुस्ताङबाट कांग्रेसले खोल्यो खाता,योगेश गौचन थकाली सम्भवत कान्छो माननीय
नेपाली कांग्रेसले मुस्ताङ विजयको खाता खोलेको छ । हिजो सम्पन्न भएको प्रतिनिधि सभा र प्रदेश सभाको निर्वाचनमा मुस्ताङबाट कांग्रेसका योगेश गौचन थकाली विजयी भएका हुन ।
थकालीले आफ्नो प्रमुख प्रतिष्प्रर्धीलाई ९१४ मतले पछि पार्दै कूल ३ हजार ९ सय ९२ मत ल्याएर विजय हासिल गरेका हुन ।
Advertisement 1
त्यहाँबाट एमालेका उमेद्धार एमालेका प्रेमप्रसाद तुलाचनले ३ हजार ७८ मत पाएका छन् ।
२९ वर्षीय युवा पहिलोपटक प्रतिनिधिसभामा निर्वाचित भएका हुन । कांग्रेसले उम्मेदवार बनाएका ९१ जनामध्ये सम्भवत थकाली सबैभन्दा कम उमेरको मानिएको छ । सानै उमेरदेखि राजनीतिमा सक्रिय थकालीले जिल्लामा नेपाल विद्यार्थी संघबाट राजनीति सुरु गरेका थिए । नेविसंघको राजनीतिसँगै भूगोलमा पनि जोडिएका थकाली जिल्ला कार्यसमिति सदस्य पनि सानै उमेरमा भएका थिए ।
Advertisement 2
अहिले कांग्रेसको महासमिति सदस्य रहेका थकाली गण्डकी प्रदेश कार्यसमितिमा समेत रहेका छन् । थकाली पूर्वमन्त्री तथा कांग्रेस नेता रोमी गौचन थकालीका छोरा हुन् ।
