काठमाडौं। त्रिभुवन विश्वविद्यालय (त्रिवि)ले दुई उपप्राध्यापकलाई स्पष्टीकरण सोधेको छ। २०७५ मंसिरदेखि अध्ययन बिदामा गएर नफर्केको भन्दै त्रिवि कर्मचारी प्रशासन शाखाले उपप्राध्यापक अलंका काफ्ले र ईन्द्रबहादुर भण्डारीलाई स्पष्टीकरण सोधेको हो।

Advertisement 1

दुवै जना त्रिव पूर्वाञ्चल क्याम्पस धरानमा प्रध्यापन गर्दै आएकामा बिदा सिकएपछि पनि क्याम्पसमा उपस्थित नभएका त्रिविको भनाइ छ। काफ्लेको बिदाको अवधि २०८० मंसिर १ गते सकिएको थियो।

बिदाको नियमअनुसार उनी मंसिर २ गते क्याम्पसमा उपस्थित हुनुपर्ने हो। त्यस्तै भण्डारी २०८० मंसिर ३ गते क्याम्पसमा हाजिर हुनुपर्नेमा १५ गते १ दिनमात्रै हाजिर भएको त्रिवि प्रशासन शाखाले जानकारी दिएको छ।

Advertisement 2

त्रिवि शिक्षक कर्मचारी सेवासम्बन्धी नियम २०५०को परिच्छेद १० को नियम ८४ (१) अनुसार किन नहटाउने भन्दै स्पष्टीकरण सोधिएको हो। सोमबारको मितिले १५ दिनभित्र स्पष्टीकरण नदिएमा सेवाबाट हटाउने सूचनामा उल्लेख छ।