संघीय संसदको चालु अधिवेशन आजदेखि अन्त्य गर्ने तयारी छ । आज बिहानै ९ बजेदेखि सिंहदरबारमा बसिरहेको मन्त्रिपरिषद्को बैठकले संसद्को बर्खे अधिवेशन अन्त्य गर्ने निर्णय गर्ने बताइएको छ । प्रधानमन्त्री पुष्पकमल दाहाल प्रचण्डको अध्यक्षतमा सिंहदरबारमा मन्त्रिपरिषद्को बैठक बसिरहेको छ । बिहान साढे ९ बजेदेखि बसेको बैठकमा अधिकांश मन्त्रीको उपस्थिति रहेको बताइन्छ । अर्थमन्त्री प्रकाश शरण महत बेलायत र परराष्ट्रमन्त्री एनपी साउद भने अमेरिका भ्रममा छन् ।

Advertisement 1

आज अधिवेशन अन्त्य गरेसँगै संविधानपछिको दोश्रो संविधान मानिएको संघीय निजामती सेवा सम्बन्धी विधेयक हिउँदे अधिवेशनसम्म पुग्ने भएको छ । मस्यौदा दुई महिना अगाडि नै संघीय मामिला तथा सामान्य प्रशासन मन्त्रालयले मन्त्रीपरिषमा पठाएको भए पनि विभिन्न इन्ट्रेष्ट ग्रुपका चलखेलका कारण विद्येयक मन्त्रिपरिषद्कै रोकिरहेको छ । उक्त मस्यौदा अब मन्त्रिपरिषद्को सम्पत्ति भइरहेको र मन्त्रिपरिषद्ले नै संसद्मा दर्ता गर्नु भनेर विधेयकको मस्यौदा मन्त्रालयलाई पठाउनुपर्ने हो तर मन्त्रिपरिषद्मै अलपत्र परेको छ ।

यस अघि चार बर्ष अघि नै संसद्मा विधेयकको मस्यौदामा २०७६ सालमा दर्ता भएको र २०७८ साल असोजमा संसद्को राज्य व्यवस्था तथा सुशासन समितिमा छलफलमा रहेको विधेयक तत्कालीन सरकारले फिर्ता लिने निर्णय गरेसँगै संघीय निजामती सेवा विद्येयक चार बर्षदेखि अलपत्र पर्दै आएको छ ।