मधेश प्रदेशका एक जना कर्मचारीले आफूभन्दा सिनियर सहसचिवलाई जिम्मेवारीविहिन बनाएर आफूले निमित्त प्रमुख सचिव चलाइरहेको भेटिएको छ । सरकारले गृह मन्त्रालयमा कार्यरत डा भीष्म कुमार भुसाललाई तीन महिना अघि मधेश प्रदेशको मुख्यमन्त्री तथा मन्त्रिपरिषद्को कार्यालयमा खटाएको थियो ।

Advertisement 1

उनी वैशाख २८ मा त्यहाँ हाजिर हुन पुगेका भए पनि त्यहाँका जुनियर सहसचिव किशोर कुमार चौधरीले आफूभन्दा सिनियर मोष्ट कर्मचारीलाई वाइपास गरेर निमित्त सचिव चलाइरहे । दुई महिनासम्म जिम्मेवारी नपाए पछि उनी संघीय राजधानी फर्किएका छन् ।उनले प्रदेशको मुख्यमन्त्री सरोज कुमार यादवको आर्शिवादमा आफुभन्दा वरिष्ठ प्रदेश सचिवलाई जिम्मेवारीविहीन बनाएर आफै हाकिम भएर केही जिम्मेवारी नपाएपछि विरक्त मान्दै राजधानी फर्किएका हुन ।

मिटरब्याजी संगठित साहुहरुलाई तह लगाउने प्रमुख पात्र मध्येका एक हुन डा भीष्म कुमार भुसाल,उनै संयोजक रहेको टोली मधेश प्रदेशको जिल्ला जिल्लामा पुगेर मिटरव्याजीहरुको कहालीलाग्दो स्थिती प्रकाशमा ल्याए । लाखौंका संख्यामा साहुहरुबाट ठगिएकाहरुलाई न्याय दिने गरी काम गरिरहँदा सरकारले उनलाई गृहबाट लखेटेर मधेश प्रदेशमा खेद्ने काम गर्यो । त्यहाँ पुगेका तीन महिनासम्म उनले कुनै जिम्मेवारी पाएनन् । मुख्यमन्त्रीसँग जिज्ञासा राख्दा केही नबोल्ने,जुनियर सहसचिव किशोर चौधरी मैं हुँ यहाँका निमित्त सचिव भन्दै हिड्ने मात्र होइन प्रदेशको क्याविनेटले नै आफूलाई निमित्त सचिवको जिम्मेवारी दिइएको भन्दै हिड्न थाले । तीन महिनासम्म उनी जिम्मेवारी खोजिरहे ।  उनलाई सरकारले मधेश प्रदेशमा लखेटेर जिम्मेवारी विहिन बनाएपछि केही गर्ने हुटहुटी बोकेका सहसचिव भुसाल संघीय राजधानी नै फिर्ता भएका हुन ।

Advertisement 2

निजामती सेवा सुधार्न कम्मर कसेर लाग्ने सहसचिव हुन्– भिष्म भुसाल,जो कुनै पनि निकायमा सातरआठ महिनाभन्दा बढी टिकेको रेकर्ड छैन । उनी यस्ता प्रशासक हुन,जहाँ पुग्छन् त्यहीं तहल्का पिट्छन् । कामै नलाग्ने अड्डाको रूपमा परिचित नेपाल ट्रस्टको कार्यालय पुर्याइए । त्यहाँ पुगेर बालुवाटारवालाका लागि काउसो बने । परिणामतः वित्त आयोगतिर धपाइएका थिए । त्यहाँबाट गृहमा पुगे । गृह प्रशासन सुधारका लागि धेरै काम गरे । ती मध्ये चर्चा योग्य काम रह्यो मिटरव्याजी साहुकारहरुलाई ठेगान लगाउने काम । उनी यसअघि राष्ट्रिय पुनर्निर्माण प्राधिकरण हुँदै वीरगञ्ज महानगरपालिकाको प्रमुख प्रशासकीय अधिकृत हुँदा कार्यसम्पादनमा अब्बल थिए । वैदेशिक रोजगार विभागमा पुगे । कामदारसँग चर्को रकम असुल्नेदेखि, अवैध रूपमा विदेश लैजानेविरुद्ध खरो उत्रिए । कामदार ठग्ने म्यानपावरलाई करोडौंसम्म जरिवाना गरे, त्यहाँबाट १० महिना नबित्दै खेदियो र अख्तियारको कार्यालय बुटवल पु¥याइयो । त्यहाँ रहँदा उस्तै छुरा । राजश्व अनुसन्धान कार्यालयका तीन भ्रष्ट उपसचिवलाई अँठ्याए । भ्रष्टाचारी कर्मचारीलाई पाता कसेको बदलामा ९ महिना नबित्दै नेपाल ट्रष्टको कार्यालयतिर खेदिनेमा परे ।

कर्मचारीले हृदयदेखि नै चाहने हो भने धेरै हदसम्म सुधार सम्भव छ भन्ने प्रमाणित गर्दै आएका भुसाल मधेश प्रदेशमा पुगेपछि त्यहाँका नेतादेखि कर्मचारीहरुलाई समेत टाउको दुखाउने पात्र बने । र जिम्मेवारीविहिन बनाएर तीन महिनामै राजधानी फर्किन बाध्य पारियो ।