सडक निर्माण सम्पन्न सिफारिस गरिदिएबापत सेवाग्राहीसँग घुस
धनुषाको नगराइन नगरपालिका वडा २ का वडाध्यक्ष वुलन यादव र वडासचिव अमृत नारायण मिश्र घुससहित पक्राउ परेका छन् ।
Advertisement 1
अख्तियार दुरूपयोग अनुसन्धान आयोग बर्दिवासको टोलीले उनीहरुलाई नगराइन चोक धनुषाबाट सेवाग्राहीसँग घुस मागिरहेको अवस्थामा पक्राउ गरेको हो। अख्तियार दुरूपयोग अनुसन्धान आयोग बर्दिबासबाट खटिएको टोलीले बुधबार वडाध्यक्ष यादव र वडासचिव मिश्रलाई नियन्त्रणमा लिएको अख्तियार दुरुपयोग अनुसन्धान आयोगका प्रवक्ता भोला दाहालले जानकारी दिए । पक्राउ परेका उनीहरुको साथबाट अख्तियारले ७० हजार बरामद गरेको छ ।
उनीहरूले सेवाग्राहीबाट सडक निर्माण सम्पन्न सिफारिस गरिदिएबापत सेवाग्राहीसँग घुस मागेका थिए । सेवाग्राहीबाट घुससमेत लिइसकेका उनीहरुलाई अख्तियारको टोलीले बुधबार नगराइन नगरपालिका २ नगराइन चोकबाट घुसमा लिएको रकमसहित पक्राउ गरेको थियो ।अख्तियारले थप अनुसन्धान गरिरहेको जनाएको छ ।
