अख्तियार दुरुपयोग अनुसन्धान आयोगले सरकारी निकायमा हुने अनियमितता,ढिलासुस्ती र बढ्दो भ्रष्ट्राचारप्रति चासो राखेको छ र दुई दिनसम्म मन्त्रालयका सचिवहरु र विभागीय प्रमुखहरुलाई टंगालस्थित रातो घरमै डाकेर अख्तियारले भ्रष्टाचार नियन्त्रण गर्न र सेवाप्रवाह प्रभावकारी बनाउन निर्देशन दिएको हो ।

Advertisement 1

अख्तियारले मुख्य सचिव शंकरदास वैरागीलाई सँगै राखेर मन्त्रालयका सचिवदेखि र महानिर्देशकसम्मलाई कुनै खाले भ्रष्टाचारमा सहभागी हुन नदिन, मातहतलाई पनि सुशासनयुक्त राख्न, परिणाम निस्कने गरी काम गर्न र जनतालाई प्रभावकारी सेवा दिनसमेत निर्देशन दिएको हो ।

अख्तियारले मंगलबार र बुधबार लगातार दुई दिनसम्म सरकारका सबै मन्त्रालयका सचिव तथा मातहतका विभागका महानिर्देशक एवं अन्य विभागीय प्रमुखलाई अख्तियारमा नै बोलाएर छलफल र केरकार गरेको हो ।

Advertisement 2

अख्तियारले पहिलो चरणमा बढी अनियमितताका उजुरी आएका भौतिक पूर्वाधार तथा यातायात मन्त्रालय, सहरी विकास मन्त्रालय, खानेपानी मन्त्रालय, ऊर्जा, जलस्रोत तथा सिँचाइ मन्त्रालय, अर्थ मन्त्रालय, सार्वजनिक खरिद अनुगमन कार्यालय, शिक्षा, विज्ञान तथा प्रविधि मन्त्रालय स्वास्थ्य तथा जनसंख्या मन्त्रालयका सचिव र मातहतका विभागीय प्रमुखसँग छलफल गरेको हो । यस्तै, भ्रष्टाचारका उजुरी आएका, श्रम, रोजगार तथा सामाजिक सुरक्षा मन्त्रालय, भूमि व्यवस्था, सहकारी तथा गरिबी निवारण मन्त्रालय, संस्कृति, पर्यटन तथा नागरिक उड्डयन मन्त्रालय, कृषि तथा पशुपन्छी विकास मन्त्रालय, वन तथा वातावरण मन्त्रालय र मातहतका विभाग र सम्बन्धित निकाय र राष्ट्रिय योजना आयोगका सचिवसँग पनि अख्तियारले लामो छलफल गरेको थियो ।