एक जना उच्च तहका कर्मचारीबाट अन्याय भुक्तमान गरेका अर्काे कर्मचारीले ती हाकिमलाई खुला पत्र लेखेका छन् । हालै मात्र विद्यावारिधि गर्नका लागि शेष पौडेल जापानतर्फ हानिएपछि श्रम रोजगार मन्त्रालयले वैदेशिक रोजगार विभागको हाकिम बनाएर पठाएको हो उमाकान्त आचार्यलाई । आचार्य श्रम तथा ब्यवसायजन्य सुरक्षा विभागको हाकिम हुँदा भोगेको भुक्तमानलाई उनले खुलापत्र लेख्दै सार्वजनिक गरेका हुन ।
तत्कालीन समयमा स्वतन्त्र निजामती कर्मचारी संगठन दर्ता गर्न खोज्दा खाएको हण्डर र ठक्करलाई सो संस्थाका अध्यक्ष समेत रहेका पशुपति पोखरेलले खुला पत्र लेख्दै सार्वजनिक गरेका हुन ।

Advertisement 1

उनले सह सचिवलाई लेखेको पत्रमा भनिएको छ,’अनावश्यक दुःख दिँदै शाखा शाखामा फायल अड्काएर गैरकानूनी तर्क पेश गरी यो स्वतन्त्र संस्था दर्ता प्रकृयामा समस्या खडा गरियो । हाम्रो संस्था दर्तामा कहाँ के समस्या भयो ? कुन कुन कागजात पुगेन ? जवाफ छ तपाईँसँग ? अझै बुझ्नुस् म कत्ति पनि विचलित छैन । हेर्नुस् मान्छे भएपछि मरेर जाँदा पनि ढुक्कसँग सास जानेगरी कर्म गर्नुपर्छ । स्वतन्त्रताका लागि तपाइँजस्ता राजनितिक खोल ओडेका नाम मात्रका उच्च प्रशासक कुर्सीका वाधकहरुलाई यो संगठन दर्ता हुँदा वा दर्ताको बाटोमा जाँदा के वेफाइदा भयो र दर्ता प्रकृयामा दुख दिएको ?’

यस्तो छ पशुुपतिले उमाकान्त आचार्यलाई लेखेको खुला पत्र

Advertisement 2

श्री उमाकान्त आचार्यज्यू,
सहसचिव,
तत्कालिन, महानिर्देशक, श्रम तथा ब्यवसायजन्य सुरक्षा विभाग, काठमाण्डौ ।
हाल, महानिर्देशक, वैदेशिक रोजगार विभाग, काठमाण्डौ ।

हाम्रो कुनै सोर्स थिएन कुनै राजनैतिक दल थिएन, हामीले कसैबाट तपाईँलाई दबाब दिन सकेनौ किनकी हामी स्वतन्त्र थियौँ । स्वतन्त्र निजामति कर्मचारी संगठन दर्ताको प्रकृयामा खडा भएका प्रश्नहरुले सोच्न बाध्य बनायो :- साच्चै श्रमिक र श्रमजीवीले तपाईँ भएको कार्यलयबाट सच्चा न्याय पाएका होलान त ? सार्वजनिक मिडिया र सामाजिक सञ्जालबाट हामी यसको जवाफ खोज्ने प्रयत्न गर्नेछौँ । ६ महिनासम्म एउटा फाइल निष्कर्षमा नपुर्याउनुमा हाम्रो सोर्स र फोर्स नहुँदा न्याय र स्वतन्त्रता दुर्घटनामा परेको एक चित्रण स्वरुप थोरै कलम चलाउँदैछु ।

निजामती प्रशासनमा प्रजातन्त्रको अनुभुति गराउन कर्मचारी सञ्जालभित्र ट्रेड यूनियन अधिकार प्राप्ती गर्न लामो संघर्ष र बलिदानपश्चात सरकारले उक्त अधिकार प्रदान गरेको तपाईँलाई थाहै होला । २०४७ र २०६२/०६३ को जनआन्दोलन र संविधानत: व्यवस्था भएको स्वतन्त्रताबारे पनि तपाईँ अनविज्ञ हुनुहुन्न भन्नेमा म विस्वस्त छु । संघीय संरचनामा कर्मचारी प्रशासनभित्र देखिएका वेथिति, गुनासा र समस्याहरुमा ट्रेड युनियनहरु हात बाँधेर हेरेर बस्न थालेपछि कर्मचारीकै पक्षमा आवाज उठाउने र समग्र कर्मचारीको पक्षमा काम गर्ने सोच अनुरुप हामीले यो संगठन दर्ताको प्रकृयामा अघि बढेका थियौँ । कर्मचारी तन्त्रभित्र राजनैतिक प्रहार र दलका भातृ संगठनका रुपमा रहेका राष्ट्रिय स्तरका ट्रेड यूनियनहरुको भूमिकाले तहसनहस भएको कर्मचारीतन्त्र भन्दा स्वतन्त्र रहनु पर्छ भन्ने निष्कर्ष निकालेर २०७८/०३/०८ मा कर्मचारीहरुको एउटा भेला गरी स्वतन्त्र सांगठानिक संरचना मार्फत हामी अघि बढ्यौँ ।

यसलाई अभियानबाट संस्थागत गर्न दर्ता प्रकृयाको कानूनी बाटो पहिल्याउँदै सम्पूर्ण आवश्यक कागजात लिएर २०७८ फागुनमा तपाईँ समक्ष आईपुग्यौँ । हामी संस्थागत हुने आशामा तपाईँसँग भरोसा लिएर कुरिरह्यौं । तर सोचेजस्तो भएन । अनावश्यक दुःख दिँदै शाखा – शाखामा फायल अड्काएर गैरकानूनी तर्क पेश गरी यो स्वतन्त्र संस्था दर्ता प्रकृयामा समस्या खडा गरियो । हाम्रो संस्था दर्तामा कहाँ के समस्या भयो ? कुन कुन कागजात पुगेन ? जवाफ छ तपाईँसँग ? अझै बुझ्नुस् म कत्ति पनि विचलित छैन । हेर्नुस् मान्छे भएपछि मरेर जाँदा पनि ढुक्कसँग सास जानेगरी कर्म गर्नुपर्छ । स्वतन्त्रताका लागि तपाइँजस्ता राजनितिक खोल ओडेका नाम मात्रका उच्च प्रशासक कुर्सीका वाधकहरुलाई यो संगठन दर्ता हुँदा वा दर्ताको बाटोमा जाँदा के वेफाइदा भयो र दर्ता प्रकृयामा दुख दिएको ?

अन्त्यमा अझै तपाईँहरुका गतिविधिले ट्रेड यूनियन र ट्रेड यूनियनकर्मीलाई अराजक, अभद्र बनाउने र आफ्नो लाभ पुरा गर्ने भ¥याङ बनाउनु भएकोमा तपाईँहरु प्रति खेद प्रकट गर्दछु । संस्था दर्ताको यो असफलतालाई तपाईँकै आँखा अगाडि, तपाईँको जागिरे जीवनको सेवा अवधिभित्रै थप कानूनी बाटो अपनाएर भएपनि यो संगठन दर्ता गराउने पक्षमा म फलामजस्तै अटुट रहने छु ।

राजनीतिक दलका भातृ संगठनका रुपमा रहेका ट्रेड युनियनहरु राजनतिक दलका झोले हुन भन्नेमा म जति विस्वस्त थिएँ तर तपाईँहरुको गतिविधिले आज उच्च प्रशासकहरु नै यो आरोपको भागेदार भएको पुष्टी गराउनु भएकोमा विषेश धन्यवाद दिन चाहन्छु ।

अन्त्यमा तपाईँलाई एउटा प्रश्न गर्छु, हामी कर्मचारीको यो संञ्जालमा राजनैतिक खोल ओढेर हाम्रो जस्तो स्वतन्त्र सोच भएको संगठन दर्ताको यो कदममा तपाईँ रोकिनुभएको छ, यस्तो काठमाण्डौको फोहोर जस्तै डुङ्डुङ्ती गन्हाउने सोच बोकेर नेपाल सरकारको एउटा जिम्मेवार पदीय मर्यादामा तपाईँ कसरी बाँचिरहनुभएको छ ? विश्वास छ यो तपाईँको कार्यले प्रशासकप्रति उदाहरण सहित भाषण र सवाल-जवाफ पेश गर्ने वातावरण बनाइदिनु भएकोमा धन्यवाद, नमस्कार ।

पशुपति पोखरेल
अध्यक्ष स्वतन्त्र निजामती कर्मचारी संगठन