Advertisement 1

संघीय सरकार निरंकुशताको आरोप खेप्दै ! तर म अपवाद संघीय सरकारबाट न्याय पाए पनि स्थानीय सरकारबाट विभेदमा ! बिलखबन्दमा छु को हो निरंकुश !? के हो निरङ्कुशता ?!

कर्मचारीतन्त्रको न्युनतम पक्ष सिनियारिटीको आधारमा निमित्त पाउनुपर्ने मामुली कुरालाई पनि यहाँ राजनीतिक प्रतिष्ठाको विषय बनाइएको छ ! संघीय सरकार¸ कर्मचारी परिचालनको केन्द्रीय निकाय¸ संघीय मामिला तथा सामान्य प्रशासन मन्त्रालयबाट दुइ पटक लेखिएको परिपत्रको समेत सुनुवाई भएन यतातिर ! विगतमा तत्कालिन नेपाली काँग्रेसको “चौतर्फी काँग्रेसीकरण” भयो भनी गरिएको आन्दोलनमा संगसंगैका सहकर्मी “आदरणीय व्यक्तित्व” हरु शक्तिमा ! अहिलेको “कम्युनिष्टकरण” मा पनि अग्रभागमा उहाँहरु नै ! तर उहाँहरुबाट मेरो एउटा सामान्य गुनासो र जिज्ञासाको पनि सुनुवाई हुन सकेन !

Advertisement 2

विगतको सहकर्मी अहिले एउटा कर्मचारीले उठाएको सामान्य विषय समेत उहाँहरु र उहाँहरु मातहतका निकायबाट किनारा लाग्न सकेन ! यस्तो अवस्थामा संघीय सरकारलाई मात्र निरंकुश कसरी भनूँ ?! जवकी संघीय सरकार होइन स्थानीय सरकारबाटै पिडित ज्युँदै छु म यहाँ !नेतृत्व भनेको सर्वाङ्गीन हुन्छ ! समाजका हरेक निकाय र अङ्गमा नेतृत्वको प्रभाव रहन्छ ! समाजका प्रत्येक कणकणको अनुभुतीबाट नेतृत्व स्थापित हुन्छ !

विधि¸ पद्धति स्थापनाको लागि संचालित आन्दोलनको अग्रभागमा रहेका उहाँहरुको नेतृत्वमा म बाहेक अन्य समस्त रुकुमेली नागरिकहरु¸ पेशाकर्मीहरुले न्याय पाउन् ! कसैले पनि उहाँहरुबाट विभेद र थिचोमिचोको महशुस गर्नु नपरोस् ! अवको आन्दोलनले उहाँहरुलाई म बाहेक अन्य नागरिक तथा पेशाकर्मीहरुले उठाएका गुनासाहरु स्थापित विधि पद्धतिको आधारमा समयमै समाधान गर्ने शक्ति र सामार्थ्य प्राप्त होस् !

मलाई जेसुके होस तर अरु सबैलाई राम्रो होस ! म बाहेक अरु रुकुमेलीहरुले उहाँहरुको नेतृत्वमा गोलबन्द हुँदा असल अभिभावकत्वको महशुस् गरुन ! अँझै दुईबर्षसम्म स्थानीय सरकार समक्ष यो विषय उठाउने पक्षमा छैन किनकी उठाए पनि समाधान हुने होइन ! सार्वजनिक अभिलेखीकरण र यस्तोसम्म भएको थियो है विगतमा भनी सम्बद्ध पक्षलाई सामान्य जानकारीको लागि मात्र फेसबुक वालमा राखिएको हो ! अरु रुकुमेली नागरिकहरुको अनुभव कस्तो छ मैले बोल्ने कुरा भएन ! तर म पनि रुकुममै जन्मे हुर्केको नागरिक नै हुँ । मेरो व्यक्तिगत निचोडको आधारमा म बोल्ने हो । विगतमा अनेक तरहले गरेका सबै प्रयत्नहरु असफल भएको हुँदा कमसेकम मलाई उहाँहरुबाट न्यायपूर्ण व्यवहारको कुनै अपेक्षा छैन !

रुकुममा क्रियाशिल समस्त पेशाकर्मीहरुले न्यायपुर्ण र समानताको व्यवहार महशुस गर्नुहोस् मेरो अन्तरह्रदयदेखि नै शुभकामना छ ! म बाहेक अन्य शिक्षक कर्मचारीहरुले समकालीन नेतृत्वबाट न्यानो¸ मैत्रीपुर्ण र असल अभिभावकत्व प्राप्त गर्नुहोस हार्दिक मंगलमय शुभकामना छ ! म मात्र अपवादमा परुँ ! अरु सबैलाई न्यायको अनुभुती होस् ! अरु सबैको भलो होस् ! अरु सबैको शुभ होस् ! जय होस् ! शुभकामना छ !

तर नितान्त व्यक्तिगत अनुभुतीको आधारमा भन्छु देशको कार्यकारी प्रमुख संघीय सरकारका वहालवाला सम्माननीय प्रधानमन्त्री केपी शर्मा ओली मात्र निरंकुश र स्वेच्छाचारी यो देशका अरु सबै असल लोकतन्त्रवादी भनेर पक्ष विपक्षमा घाँटीको नसो तन्काउने पक्षमा म छैन ! राज्यका निकायहरुले म एउटा नागरिक र पेशाकर्मीप्रति गरेको व्यवहारको आधारमा यत्ति भन्ने अधिकार मलाई पनि छ ! धन्यवाद् ।