लोकसेवा आयोग र सर्वाेच्च अदालतबाट समेत अन्यायमा परेका निजामती कर्मचारीहरुले एकाबिहानै सर्वोच्च अदालत प्रांगणमा धर्ना दिएका छन् । लामो समयदेखि रोकिएको कर्मचारीको मुद्धामा मुद्धाको पेशी सरेको सर्यै भएपछि लोकसेवाको परीक्षा दिएर नतिजा कुरेका परीक्षार्थीहरुले आज सर्वोच्च अदालत परिसरमा धर्ना दिन पुगेका हुन । उनीहरुले तीन बर्ष अघिदेखि दायर गरेको मुद्धा कहिले हेर्न नमिल्ने त कहिले अनेक बाहनामा पेशी सर्दै आएको छ । लामो समयदेखि पेसी सर्दै आएको कर्मचारी भर्ना,पदपूर्ति र कर्मचारी समायोजनसम्बन्धी परेको मुद्धा आजका लागि चार नम्बरको इजलाशमा सुनुवाई हुँदैछ ।

Advertisement 1

आज सो मु्द्धा सुनुवाईका लागि न्यायधीशद्धय ईश्वरप्रसाद खतिवडा र तिलप्रसाद श्रेष्ठको इजलाशमा पेसी चढेको छ । लामो समयदेखि रोकिदै आएको सो मुद्धा सर्वोच्चमा आज सुनुवाइ हुने क्रममा छ ।
सर्वोच्चमा मुद्धा परेका कारण ९ महिनाअघि लोकसेवाको जाँच दिएका विद्यार्थीहरुको नतिजा प्रकाशित भएको छैन । पटक पटक पेशी सर्दा रिजल्टको पर्खाइमा बसेका परीक्षार्थीहरु मर्कामा परेको भन्दै उनीहरुले सरोकारवालाहरुको ध्यानाकर्षण गराउन लोकसेवा पढ्नेहरुलाई बिहानै सर्वोच्च अदालत अगाडि धर्ना दिन पुगेका हुन ।