राजस्व अनुसन्धान विभागले एकै पटक झण्डै एक सय किलो सुन बरामद गरेको छ । नेपालको एक मात्र अन्तराष्ट्रिय विमानस्थल त्रिभुवन विमानस्थलमा बुधबार झन्डै एक क्विन्टल सुन राजश्व अनुसन्धान विभागले बरामद गरेको हो ।

Advertisement 1

अध्यागमन र प्रहरीबाटसमेत सुन पास गरेर अघि बढिसकेको अवस्थामा विभागले नियन्त्रणमा लिएको हो । सुन हङकङबाट ल्याइएको खुलेको छ । सुन ओसारपसारमा संलग्न रहेका ट्याक्सी चालकसहित ६ जनालाई पक्राउ गरिएको छ । दिलिप भुजेल, रामकुमार भुजेल, भन्सार एजेन्ट राजेन्द्र राई ट्याक्सी चालक र थप दुई जनासमेत गए राति नै पक्राउ परेको राजश्व अनुसन्धान स्रोतले बतायो ।

यो प्रकरणमा भन्सार र अध्यागमनका कर्मचारीहरु समेत मुछिएका छन् । अहिले त्रिभुवन विमानस्थल भन्सार कार्यालयका प्रमुख भन्सार प्रशासकका रुपमा अरुण पोखरेल कार्यरत रहेका छन् । त्रिवि अध्यागमनको प्रमुखको जिम्मेवारीमा छन्,रामबन्धु सुवेदी  जिम्मेवारीमा छन् ।
यसैबीच उक्त सुन जाँच पासमा संलग्न सबैलाई निलम्बनको तयारीमा भन्सार विभाग लागेको छ । विभागले आन्तरिक छानबिन तीव्र पारेको जनाएको छ । जाँच पासमा संलग्न सबै कर्मचारीलाई केही समयपछि नै निलम्बन गर्न लागिएको भन्सार विभागले जनाएको छ ।