जसरी नेपाल आयल निगममा उमेश थानीलाई नेतृत्वमा लगियो ठीक उसै गरी नेपाल टेलिकमको प्रबन्ध निर्देशक पदमा सुनिल पौडेललाई लैजाने तयारी हुँदैछ । टेलिकमको प्रवन्ध निर्देशकको नियुक्तिका लागि तीन जनाको नाम सिफारिस भएको छ । जसमा संगीता पहाडी अर्याल, सुरज सिंह थापा र सुशील पौडेलको नाम सिफारिस गरेको हो।

Advertisement 1

सञ्चार मन्त्रालयका सचिव वैकुण्ठ अर्यालको नेतृत्वमा गठित छनौट तथा सिफारिस समितिको प्रवन्ध निर्देशकमा सिफारिस गरेका तीन जनामध्ये पहाडी र थापा टेलिकमकै निर्देशक पदमा कार्यरत छन् भने पौडेल बाहिरबाट सिफारिसमा परेका हुन् । पौडेल हाल संचार मन्त्रालय अन्तर्गत कै राष्ट्रिय सूचना प्रविधि केन्द्रको कार्यकारी निर्देशक पदमा कार्यरत छन् ।
टेलिकमको प्रवन्ध निर्देशकमा पौडेललाई नियुक्ति गर्नका लागि यस अघि मापदण्ड नै परिवर्तन गरिएको थियो ।
यसैबीच छनौंट समितिले टेलिकमभन्दा बाहिरका कर्मचारी पौडेलको नाम समेत सिफारिस गरेर पठाए लगतै नेपाल टेलिकममा कार्यालयभित्रकै कर्मचारीलाई प्रबन्ध निर्देशक बनाउन माग गर्दै कर्मचारीहरु आन्दोलन छेड्न थालेका छन् । उनीहरुले भद्रकालीस्थित नेपाल टेलिकमको केन्द्रीय कार्यालयमा नेपाल टेलिकम वर्कर्स युनियनले खबरदारी सभाको आयोजना गर्दै प्रबन्ध निर्देशकमा टेलिकमभित्रकै वरिष्ठ व्यक्तिलाई नियुक्त गर्न माग गरेको हुन ।
टेलिकममा संस्था बुझेको, भिजेको र लगानी गरेको मान्छे प्रबन्ध निर्देशक हुनुपर्ने कर्मचारीहरुको माग छ । आफ्नो कार्यालयमा बाहिरी हस्तक्षेप हुन लागेको भन्दै उनले त्यस्तो हस्तक्षेपबाट मुक्त गराउन खबरदारी गरिएको आन्दोलित कर्मचारीहरुले बताएका छन् । नेपाल टेलिकममा वाह्य हस्तक्षेपबाट होइन, संस्था बुझेको मान्छेले मात्र यो संस्थालाई ड्राइभ गर्न सक्छ । संस्थाको उन्नती र प्रगतिको लागि एवम् संस्थालाई दीगो जीवन्तता दिन यहाँका सिनियर कर्मचारी नै एमडी हुनुपर्छ भनेर हामीले भन्दै आइरहेका छौँ ।’