सचिव बढुवा सिफारिस समितिले एक सचिव (विशिष्ट श्रेणी) पदका लागि तीनजना सहसचिवको नाम सिफारिस गरेको छ । लोक सेवा आयोगका अध्यक्ष माधव प्रसाद रेग्मीको अध्यक्षतामा हिजो बसेको बढुवा सिफारिश समितिको बैठकले वरिष्ठ सहसचिव त्रय कृष्णबहादुर राउत, रामेश्वर दंगाल र मुकुन्दप्रसाद निरौलाको नाम सिफारिश गरेको हो ।
पुस १४ गते रक्षा सचिव बेगेन्द्रराज शर्माले अनिवार्य अवकाश पाएपछि एक सचिव पद रिक्त भएको थियो ।
सहसचिव दंगाल अर्थमन्त्रालयको राजस्व महाशाखा प्रमुख हुन् । राउत प्रधानमन्त्री तथा मन्त्रिपरिषद कार्यालयमा छन् भने निरौला गृहमन्त्रालयको शान्ति सुरक्षा महाशाखाका प्रमुख छन् । निरौला गृह मन्त्रालयमा कार्यरत छन् ।

Advertisement 1

आगामी मन्त्रिपरिषद्को बैठकले तीन जनामध्ये एकलाई सचिवमा बढुवा गर्नेछ । वरिष्ठताका आधारमा एक नम्बरमा सिफारिस भएका सहसचिवलाई मन्त्रिपरिषद् बैठकले सिफारिस गर्ने भएकाले सम्भवत प्रधानमन्त्री तथा मन्त्रिपरिषद्को कार्यालयका सहसचिव राउत सचिवमा बढुवा हुनेछन् ।