सामान्य प्रशासन मन्त्रालयका सचिव सिंहसहित केहि सचिवको सरुवा, केहिको टुंगो लाग्न बाँकी
काठमाडौं । सरकारले केही सचिवको सरुवा गरेको छ । प्रधानमन्त्री तथा मन्त्रिपरिषद्को कार्यालय सिंहदरबारमा शुक्रवार बसेको बसेको मन्त्रिपरिषद्को बैठकले संघीय मामिला तथा सामान्य प्रशासन मन्त्रालयको सचिवसहित केहि सचिवको सरुवा गरेको हो ।
Advertisement 1
प्रधानमन्त्री तथा मन्त्रिपरिषद् कार्यालय स्रोतका अनुसार एक हप्ताअघि मात्रै उद्योग, वाणिज्य तथा आपूर्ति मन्त्रालयबाट उपराष्ट्रपति कार्यालयमा सरुवा भएका मुकुन्दप्रसाद निरौलाको संघीय मामिला तथा सामान्य प्रशासन मन्त्रालयमा सरुवा भएको छ । अहिले उक्त मन्त्रालयका सचिव विनोदप्रकाश सिंहलाई प्रधानमन्त्री तथा मन्त्रिपरिषद् कार्यालयमा फर्काउने कि युवा तथा खेलकुद मन्त्रालयमा जिम्मेवारी दिने भन्ने टुंगिएको छैन । आइतबारसम्म टुंगो लाग्ने बुझिएको छ ।
यस्तै केहि समय अघि मात्रै गृह मन्त्रालयबाट प्रधानमन्त्री तथा मन्त्रिपरिषद् कार्यालयमा सरुवा भएका दिनेश भट्टराईको महिला, बालबालिका तथा ज्येष्ठ नागरिक मन्त्रालयमा सरुवा भएको छ । महिला मन्त्रालयका सचिव सुमनराज अर्यालयको पनि कुनै अर्को निकायमा सरुवा गर्ने कि प्रधानमन्त्री तथा मन्त्रिपरिषद्को कार्यालयमा सरुवा गर्ने भन्ने टुंगो लागिसकेको छैन् ।
