कर्मचारी खटन पटनमा कतिसम्म भद्रगोल देखिन्छ भने मुलुकको प्रमुख प्रशासकीय केन्द्रभित्रै झण्डै दुई दर्जन सहसचिव,चार दर्जन हाराहारीको संख्यामा उपसचिवलाई तीन महिनादेखि बरण्डामा थन्काइएको छ ।
सहसचिवलाई मन्त्रालयको बरण्डामा थन्काएर,सहसचिवकै दरबन्दी भएको जिल्लामा उपसचिवलाई प्रशासनको कमाण्डर बनाएर खटाइएको छ ।
गृहमा मात्र सात जना सहसचिव बरण्डामा थन्काइएको छ । सहसचिवहरु सुनिता नेपाल, रमेश ढकाल,थानेश्वर गौतम लगायत बरण्डामा थन्काइएको छ । जिम्मेवारबिहिन अबस्थामा रहेका अर्काे सहसचिव ढुण्डी निरौला अमेरिका शयरमा छन् । सहसचिवलाई बरण्डामा राखेर उपसचिवलाई प्रमुख जिल्ला अधिकारी बनाएर खटाइएको छ । जसमध्ये बारामा कृष्ण बहादुर कटवाल,बाँकेमा सुर्यबहादुर खत्री,सिन्धुपाल्चोकमा बेदनिधि खनाल,स्याङ्जामा राजुप्रसाद पौडेल,नुवाकोटमा जीवनप्रसाद दुलाल लगायत छन् ।
गृहमा झण्डै दर्जनकै संख्यामा उपसचिव जगेडामा थन्काइएको छ । दशैं अगावै सरुवा गरेर गृहमा तानिएका उनीहरुलाई अझैं जिम्मेवारी दिइएको छैन । दर्जनभन्दा बढी उपसचिव बरण्डामा सीमित छन् । उनीहरुको दैनिकी बनेको छ मन्त्रालय जाने हाजिर गर्ने फर्कने । पुण्य ढकाल,चेतराज बराल,शेखर पौडेल लगायतका दर्जन उपसचिव बरण्डामा थन्काइएको छ ।
गृहमा मात्र होइन,यस्तो भद्रगोल उद्योग,वाणिज्य तथा आपुर्ति मन्त्रालय,परराष्ट्र,समान्य प्रशासन र शिक्षा मन्त्रालयतिर समेत देखिएको छ ।

Advertisement 1

प्रधानन्यायधीश चोलेन्द्र शमशेर जवराको सालो गजेन्द्र हमाल ४८ घण्टे उद्योग मन्त्री बनेर मन्त्री पदबाट राजीनामा दिएसँगै उद्योग मन्त्रालय मन्त्रीबिहिन अबस्थामा छ । विभागीय मन्त्री हुँदा उद्योग मन्त्रालयले चार जना सहसचिवको पोष्टिङ समेत गर्न समेत सकस परिरहेको छ । गत असोज ३१ गते सरुवा भइ उद्योग मन्त्रालय मातहत आएका चार सहसचिवको पोष्टिङ हुन नसक्दा उनीहरु बरण्डामा सीमित भएका छन् । बाग्मती प्रदेशबाट मन्त्रालयमा तानिएकी सह–सचिवहरु राधिका अर्यालसहति बाबुराम गौतम,गोविन्द कार्की रामअधार साह कामबिहिन भए ।

सोही समयमा वाणिज्य विभाग र लघु तथा घरेलु प्रर्वद्धन केन्द्र पनि प्रमुख बिहिन अबस्थामा रहेका छन् । वाणिज्य विभागमा रहेका महानिर्देशक प्रकाश अधिकारी राजश्व अनुसन्धान विभागमा पुगेसँगै वाणिज्य विभाग नेतृत्व बिहिन अबस्थामा छ ।

Advertisement 2

उता परराष्ट्र मन्त्रालयका ५ सहसचिव जिम्मेवारबिहिन अबस्थामा छन् । परराष्ट्र मन्त्रालयमा १० महाशाखा र दुई विभाग रहेकामा ती सबैमा सहसचिव पूर्ण भएर पनि पाँच सहसचिव कामविहीन अवस्थामा प्रशासनमा थन्काएर राखिएको अबस्था छ ।

हालै सचिवमा बढुवा भएका ६ सहसचिवलाई सामान्यले अतिरिक्त समूहमा राखेको छ । माधवप्रसाद पोखरेल, तीर्थराज चिलुवाल, रामचन्द्र तिवारी, भोला दाहाल र आदिवासी जनजाति तर्फ रेखा दास र दलिततर्फ मेखबहादुर मंग्राती सहसचिवमा बढुवा भएका थिए । उनीहरु ६ जनालाई अतिरिक्त समूहमा पदस्थापन भएका सहसचिवहरूलाई केही दिनमा विभिन्न निकायमा पठाइने छ ।

उता शिक्षा मन्त्रालयमा झण्डै चार दर्जन कर्मचारी जिम्मेवारबिहिन अबस्थामा छन् । मन्त्रालयमा कार्यरत झण्डै २२ जना उपसचिव र उति नै संख्यामा अधिकृतहरुको पोष्टिङ हुन सकेको छैन । गत १ असोज पछि डीएलपीआईयू खारेजीमा परेसँगै मन्त्रालयमा तानिएका ती उपसचिव र अधिकृतहरु मन्त्रालयको चौर र बरण्डामा बसेर दिन कटाइरहेका छन् । त्यस्तो स्थितीमा पु¥याइएको उपसचिवहरूमा द्वारिका पोखरेल, अर्जुन रायमाझी, निर्मल घिमिरे, देवकुमार बराल, गोविन्दराज सेढाईं, युक्त शर्मालगायत छन् । त्यस्तै, अधिकृतहरूमा राजेश्वर पराजुली, रामेश्वर लामिछाने, तारानाथ निरौलालगायत छन् ।