सरकारले तीन देशका लागी राजदूत सिफारिस गरेको छ । बिहीवार सिंहदरबारमा बसेको मन्त्रिपरिषद् बैठकले तीन देशमा रिक्त राजदूत नियुक्तिको सिफारिस गरेको हो । जसअनुसार भारत, बेलायत र अमेरिकाका लागि राजदूत सिफरिस गरेको हो। पूर्ववर्ति ओली सरकारका पालामा भारतका लागि निलाम्बर आचार्य,बेलायतका लागि लोकदर्शन रेग्मी र अमेरिकाका लागि युवराज खतिवडालाई राजदुत बनाएर पठाइएको थियो ।

Advertisement 1

उनीहरुलाई फिर्ता बोलाएर पछि आज ती मुलुकका लागि राजदुत सिफारिस भएका हुन । जसअनुसार,डा शंकर शर्मालाई भारत, ज्ञानचन्द्र आचार्यलाई बेलायत र श्रीधर खत्रीलाई अमेरिकाको राजदूत नियुक्त गर्न राष्ट्रपति विद्यादेवी भण्डारीसमक्ष सिफारिस गरिएको छ । डा शर्मा यसअघि अमेरिकाको लागि राजदूत भइसकेका छन । श्रीधर खत्री परराष्ट्र मामला विज्ञ र राजनीतिशास्त्रको प्राध्यापक हुन् । परराष्ट्र सेवाका आचार्य संयुक्त राष्ट्रसंघका लागि नेपालका पूर्वस्थायी प्रतिनिधि,पूर्वउपमहासचिव हुन् । क्याबिनेटको सिफारिस राष्ट्रपतिबाट अनुमोदन भएपछि तीनै जना राजदूत नियुक्त हुनेछन् ।
सरकारले केही समय अघि परराष्ट्र मन्त्रालयका करिअर राजदूत बाहेक सबैलाई फिर्ता बोलाउने निर्णय गरेको थियो ।अझैं २० देशमा राजदुत पद रिक्त छ ।