तत्कालीन प्रधानमन्त्री केपी शर्मा ओलीको पालामा संवैधानिक परिषदको सिफारिसमा नियुक्त भएका ५२ जना पदाधिकारीको नियुक्ति खारेजीको माग गर्दै परेका रिटहरूमाथि संवैधानिक इजलासमा आज सुनुवाइ तोकिएको छ ।
अध्यादेशमार्फत पूर्वप्रधानमन्त्री केपी शर्मा ओलीले विभिन्न ५२ वटा संवैधानिक पदमा गरेको नियुक्तिविरुद्ध परेको रिट आज सर्वोच्चको संवैधानिक इजलाशमा पेशी चढेको छ ।

Advertisement 1

०७७ साल मङ्सिर ३० गते तत्कालीन प्रधानमन्त्री ओलीले प्रधानन्यायाधीश चोलेन्द्रसमशेर राणा,राष्ट्रिय सभाको अध्यक्ष गणेश तिमिल्सिनासहितको बैठक राखेर अख्तियारमा प्रेमबहादुर राई,जयबहादुर चन्द,किशोर सिलवाल,निर्वाचन आयोगमा रामप्रसाद भण्डारी,सन्जोगसमशेर राणा र जानकी तुलाधर,मानव अधिकार अयोगमा तपबहादुर मगरसहित ५ सदस्यलगायत विभिन्न ११ वटा आयोगमा ५२ पदाधिकारी नियुक्ति गर्नुभएको थियो ।

Advertisement 2

यसरी अध्यादेशको आडमा ओलीले नियुक्त गर्नुभएको ५२ पदाधिकारीको नियुक्ति असंवैधानिक भएको ठहर सहित अधिवक्ता ओमप्रकाश अर्याल,दिनेश त्रिपाठी,कीर्तिनाथ शर्मा पौडेल,समृत खरेललगायतले दायर गरेको आठ थान रिटउपर आज सुनुवाई हुन लागेको हो । सर्वाेच्चको संवैद्यानिक इजलाशमा कामु प्रधानन्यायशीध दीपककुमार कार्कीसहित मीरा खडका, हरिकृष्ण कार्की,विश्वम्भरप्रसाद श्रेष्ठ र ईश्वरप्रसाद खतिवडाको इजलाशले सो मुद्धाको सुनुवाई गर्न लागेको हो ।