सरकारी तलब भत्ता खाएर जनताको सेवामा खटिनु पर्ने राष्ट्रसेवक कर्मचारीहरु निजामती सेवा ऐनको समेत खिल्ली उडाउँदै एमालेको महाअधिवेशनमा पुगेको भेटिएको छ ।

Advertisement 1

एमालेको विधान महाअधिवेशनमा भाग लिन  पाँचथर,झापा,सिन्धुलीदेखिका कर्मचारी स्वयंले केपी शर्मा ओलीको डमीसामु खिचाएको तस्वीर सार्वजनिक गरेपछि निजामती सेवा ऐनप्रति अरुको ध्यान खिचिएको हो ।

निजामती सेवा ऐन २०४९ को दफा १२ को विपरित पाँचथरका सिडिओ पुण्य ढकालदेखि विर्तामोड नगरपालिका आठौं तहको कर्मचारी देवराज कार्की,शिक्षा विभागको कर्मचारी जानुका गुरागाई, बूढानिलकण्ठ नगरपालिकामा कार्यरत अनमी भवानी दाहाल,टेकु अस्पतालका लेखापाल लेखनाथ कोइरालादेखि सिन्धुली मालपोत कार्यालयका सुब्बा पुरुषोत्तम दाहाल,सिभिल अस्पतालको नर्सिङ इञ्चार्ज कल्पना श्रेष्ठ,अर्थ मन्त्रालयमा कार्यरत निजामती कर्मचारी संगठनका अध्यक्ष केदार देवकोटा लगायतका राज्यबाट तलव भत्ता लिने कर्मचारी लाजै पचाएर काम छाडेर एमालेका विधान महाअधिवेशनमा पुगेर तस्विर खिचाएका छन् ।

Advertisement 2

प्रशासन,शिक्षा,स्वास्थ्य सेवाका मात्र होइनन् उपल्ला तहका प्राविधिक कर्मचारीहरु समेत हुल बाँधेर ओलीको विद्यान महाअधिवेशनमा पुगेका छन् ।
पुल्चोक इञ्जिनियरिङ क्याम्पसका उपप्रध्यापक समेत प्रध्यापन नै छाडेर एमालेको विद्यान महाअधिवेशनमा झुल्किए र सगौरव ओलीका डमी अघि फोटो सुट गर्न भ्याए ।

तीर्थ सुवेदी,देउकाजी गुरुङ,शालिकराम पराजुली,सुरज लामिछानेहरु हुलै बाँधेर गोदावरी पुगेका थिए ।
जहाँ अकुत आर्जनमा डामिएका भरत पहारी पनि उपस्थित थिए । उनीविरुद्ध अकुत आर्जनको मुद्धा अख्तियार विशेष अदालत हुँदै अहिले सर्वोच्च अदालतमा विचराधिन छ ।

ओलीले यस्तै व्यक्तिलाई अहिले अनुशासन आयोगमा लगेका छन् ।
निजामती सेवा ऐन ०४९ को दफा १२ ले ‘निजामती कर्मचारी कुनै राजनीतिक पदाधिकारीको व्यक्तिगत, व्यावसायिक वा राजनीतिक इच्छालाई प्रवद्र्धन गर्ने क्रियाकलापमा संलग्न हुनहुँदैन । निजामती कर्मचारी कुनै पनि राजनीतिक दल, तिनका भातृ संगठन वा कुनै दलको नेताको समर्थन वा विरोधमा कुनै विचार व्यक्त गर्न वा त्यसमा कसैलाई समर्थन वा विरोध गर्नका लागि प्रभावमा पार्नु हुँदैन । भनेर किटान गरेको भए पनि सरकारी कार्यालयको कामकाज छाडेर कर्मचारीहरू पार्टीको काममा हिडेका हुन् ।

जस्तो आइतबार सरकारी कामै छाडेर त्यहाँ कल्पना श्रेष्ठ पुगिन । उनी सिभिल अस्पतालकी नर्सिङ इन्चार्ज हुन् । कोरोनाका विरामीलाई अलपत्र छाडेर उनी नेकपा एमालेको विधान महाधिवेशनमा पुगेर फोटोसुन गर्न भ्याएकी छिन् । सरकारी तलब भत्ता खाएर यस्तै खटाई र योगदान जनताको सेवा गरिदिएको भए ।