रामेछापको दोरम्बा शैलुङ गाउँपालिकाले पालिका अध्यक्ष मैनकुमार मोक्तानले पालिकाको आफै चढ्ने गाडी ‘सिक्दा’ भएको दुर्घटनापछि मर्मतको खर्च पालिकाको खाताबाट लाखौँ भुक्तानी गरेको छ ।

Advertisement 1

गएको कात्तिक १ गते पालिका अध्यक्ष मोक्तानले आफै चढ्दै आएको गाडी सिक्ने क्रममा दुर्घटना हुँदा हुँदा ठोक्किन पुगेकी थियो । यद्दयपी अध्यक्ष मोक्तान गाडी दुर्घटनामा ठुलो दुर्घटनाबाट भने जोगिएका थिए । उनलाई चोट, पटक भने लागेको थिएन ।

माओवादी केन्द्रबाट निर्वाचित गाउँपालिका अध्यक्ष मोक्तानले प्रदेश ३–०१, ००२ झ ५१०६ नं को गाडी दुर्घटना गराएका थिए । गाडी मर्मतको लागि गाउँपालिकाको ५ लाख ५६ हजार ६ सय ३ रुपैँया खर्च भएको छ । गाउँ कार्यपालिका बैठकले सो गाडी मर्मत गर्दा आएको ५ लाख ५६ हजार ६ सय ३ रुपैँयाको बिल भुक्तानी गर्ने निर्णय गरेको छ ।

Advertisement 2

यस अगाडि पालिका अध्यक्ष मोक्तानले रामेछाप टाइम्ससंग दुर्घटना बाजा बजाएर नआउने र आफूले चाहेर दुर्घटना नभएको बताउँदै भवितव्यबाट घटना भएको प्रतिक्रिया दिएका थिए । साथै उनले गाडी मर्मत खर्च र दुर्घटनाको विषयलाई लिएर अनावश्यक भ्रम फैलाइएको समेत दाबी गरेका थिए ।त्यस्तै केही दिन अगाडि बसेको गाउँ कार्यपालिका बैठकले बा १ ग ३३२१ स्बरको जेसिभि मर्मत गर्दा भएको १ लाख १८ हजार ३ सय ११ रुपैयाँ बिलको भुक्तानी पनि दिने निर्णय गरेको छ ।

अध्यक्षले पार्किङ स्थलबाट गाडी झिकेर निकाल्न खोज्दा अकस्मात् एक्सिलेटर दाभ्दा गाडी उछिल्टिएर कान्लामा जोतिन पुगेको थियो। दुर्घटनामा अध्यक्ष सकुसल भए पनि गाडीको अघिल्लो भागमा क्षति पुगेको थियो। सवारीचालक अनुमतिपत्र नै नभएका अध्यक्ष मोक्तानले सरकारी गाडी सिक्ने क्रममा दुर्घटना गराएपछि उनको सामाजिक सञ्जालमार्फत चौतर्फी रूपमा विरोध भएको थियो। अध्यक्ष मोक्तानले आफ्नो शक्तिको दुरुपयोग गर्दै सरकारी गाडी दुर्घटना गराएको र उक्त गाडी मर्मत गर्दा हुने खर्च पालिका अध्यक्ष आफैँले व्यहोर्नुपर्ने माग नागरिकहरूले राखेका थिए।