ट्रमा सेन्टर प्रमुख डा. रिजालविरुद्ध ठाउँ ठाउँमा उजुरी
चिकित्सा विज्ञान राष्ट्रिय प्रतिष्ठान (वीर अस्पताल) का निर्देशक डा. सन्तोष पौडेल स्वास्थ्य तथा जनसंख्या मन्त्रालय तानिएका छन् । स्वास्थ्य तथा जनसंख्यामन्त्री मोहन बस्नेतले उनलाई मन्त्रालयमा तानेर ‘पेण्डुलम, बनाएका छन् ।नेपाल कम्युनिष्ट पार्टीमा एमालेको सदस्य र जनसंगठनको महासचिवमा क्रियाशिल रहेको भेटिएसँगै उनलाई मन्त्रालयमा तानिएको छ ।
वीर अस्पतालसँगै जोडिएको राष्ट्रिय ट्रमा सेन्टरका प्रमुख डा. बद्री रिजाल पनि उसैगरी दलमै खुलेका डाक्टर हुन । उनी काँग्रेसी निकट चिकित्सक संघको पूर्व महासचिव हुँदै बहालवाला उपाध्यक्षको समेत भूमिकामा छन् । तिनै रिजालविरुद्ध टंगालस्थित रातो घर (अख्तियार),राष्ट्रिय सतर्कता केन्द्र,प्रधानमन्त्री तथा मन्त्रिपरिषद्को कार्यालय,राज्य व्यवस्था समिति,शिक्षा,प्रविधि तथा सूचना प्रविधि समिति,स्वास्थ्य मन्त्रालयसम्म उजुरी परेको छ ।
Advertisement 1
तर उजुरीकर्ताले डा. सन्तोष पौडेलझैं राजनीतिक दलको सक्रिय सदस्य भएको आरोप लगाएर उजुरी हालेका होइनन् । डा. रिजालमाथिकिट खरिदमा गडबडी गरेको आरोप लगाएर विभिन्न सरोकारवाला निकायहरु गुहारिएको हो ।
यस अघि नै रिजालमाथि बिरामीलाई आफ्नो निजी अस्पतालमा पठाउने गरेको आरोप लाग्दै आएको थियो । रिजाल आफैं अस्पतालको सञ्चालक समेत हुन । सामाकोशीस्थित अल नेपाल अस्पतालका सञ्चालक समेत हुन ।
Advertisement 2
तर रिजालले भने विभिन्न सरोकारवाला निकायहरुमा परेको उजुरीको बिषयमा आफू ट्रमा सेन्टरको सुधारका काममा दत्त चित्त भएर लाग्दा केही कर्मचारी तथा माफियाहरु आफूविरुद्ध लागिपरेको बताउने गरेका छन् ।
*शीर्षक सच्चाइएको
