अध्यक्षले हाजिर हुन नदिएपछि एक महिनादेखि प्रशासकीय प्रमुखविहीन
अध्यक्षले सरुवा भएर आएका कर्मचारीलाई हाजिर गर्न रोकेपछि मोरङको कानेपोखरी गाउँपालिका एक महिनायता प्रमुख प्रशासकीय अधिकृतविहीन भएको छ ।संघीय मामिला तथा सामान्य प्रशासन मन्त्रालयले प्रमुख प्रशासकीय अधिकृतका रुपमा पठाएका शाखा अधिकृत विष्णुकुमार थेगुवालाई अध्यक्ष राजमती इङ्नामले हाजिर गर्न रोक लगाएकी हुन् ।
Advertisement 1
मन्त्रालयले १३ चैतमा कानेपोखरीका प्रमुख प्रशासकीय अधिकृत सन्तोष घिमिरेलाई कोशी प्रदेशको मुख्यमन्त्री तथा मन्त्रिपरिषद्को कार्यालयमा सरुवा गरेर उनको ठाउँमा मुख्यमन्त्री कार्यालय मातहत रहेका शाखा अधिकृत थेगुवालाई पठाएको थियो ।घिमिरेको सरुवा रोक्न पालिका अध्यक्ष इङ्नामसहितको टोली सामान्य प्रशासन मन्त्रालय पुगेको थियो । तर मन्त्रालयबाट सकारात्मक जवाफ नपाएपछि अध्यक्ष इङ्नामले सरुवा भएर आएका नयाँ कर्मचारीलाई हाजिरमा रोक लगाएकी हुन् ।
प्रमुख प्रशासकीय अधिकृत नभएपछि नगरपालिकाको आर्थिक गतिविधि ठप्प भएको छ। विभिन्न वडामा गरी सयौँ योजनाको भौतिक निर्माणको काम सम्पन्न भएपनि रकम भुक्तानी हुन सकेको छैन्।
Advertisement 2
विकास निर्माणको काम धमाधम हुनुपर्ने समयमा प्रशासकीय अधिकृत नै नभएपछि गाउँपालिकाको काम एक महिनादेखि ठप्प जस्तै छ ।
