हालै सम्पन्न एमाले निकट नेपाल निजामती कर्मचारी संगठनको केन्द्रीय कार्यसमितिमा धनाढ्य र गणेश प्रवृत्तिका कर्मचारीहरुलाई मात्र च्यापिएको भन्दै पूरानो कर्मचारीहरु रुष्ट भएका छन् । फागुन २८ गतदेखि ३० गतेसम्म काठमाडौंको कार्की व्याक्वेटमा चलेको महाअधिवेशनले १५१ सदस्यीय केन्द्रीय कार्यसमिति बनाउँदा २५ औं बर्षदेखि संगठनमा बिताएकाहरुलाई पाखा लगाएर नवप्रवेशी,धनाढ्यहरुलाई कार्यसमितिमा लगिएपछि संगठन निर्माणमा दिलो ज्यान दिएर लागेका पूराना कर्मचारीहरु रुष्ट हुन पुगेका छन् ।
पार्टी इञ्चार्ज भानुभक्त ढकालले हम्मर चलाएपछि सर्वसहमत भनिएको महाअधिवेशनमा धेरै प्रतिनिधिहरु लाखा पाखा लागेका छन् । कर्णाली प्रदेशका धेरै प्रतिनिधिहरु लाखा पाखा लाग्ने ,स्थिती बनेपछि उनीहरुले मञ्चबाटै आपत्ति समेत जनाएका थिए । निवर्तमान अध्यक्ष केदार देवकोटाको घर बनाउँदा आर्थिक सहयोग गर्ने कर्मचारीहरुलाई मात्र केन्द्रिय कार्यसमितिमा पारिएको भन्दै उनीहरुले रोष प्रकट गरेका थिए ।
निवर्तमान अध्यक्ष देवकोटाको भक्तपुरको लोकन्थलीमा रहेको भवन निर्माण गर्दा आर्थिक सहयोग गरेका गोविन्दराज शिवाकोटी,देवेन्द्र ढकाल,रेणुका केसी लगायत दर्जनौं केदार देवकोटा समूहबाट केन्द्रीय समितिमा अटाएका छन् ।
यस्तै लेखा समूहका धेरै जुनियर कर्मचारीहरु केन्द्रिय समितिमा अटाउनुलाई आर्थिक चलखेलका रुपमा कर्मचारीहरुले अर्थाएका छन् । लोकसेवा पास गरेका तीन बर्षमै फुँयाल थरका एक कर्मचारीलाई केन्द्रीय कार्यसमितिमा लगिएको छ । जबकी ५५ सालदेखि संगठनका कार्यरत रहेका र संगठनकै लागि पसिना बगाएका होमशंकर बास्तोला,विमल श्रेष्ठ,अनुप ढकालदेखि कर्णाली प्रदेशका धेरै कर्मचारीहरु माथि अन्याय भएको एमालेकै कर्मचारीहरु बताउँन थालेका छन् । जीवनका लामो समय एमाले निकट कर्मचारी संगठनकै लागि बिताएका  ५० औं इमान्दार कर्मचारीहरुलाई पाखा लगाइएको एमाले निकट कर्मचारीहरुले इकर्मचारीसँग गुनासो पोखेका छन् ।
रेवन्त गौतमसँगै फिर्ता आएकाहरुलाई विधान मिचेर सिधै केन्द्रीय सदस्य बनाइएको छ । एमाले निकटका नेपाल निजामती कर्मचारी संगठनको हालै सम्पन्न महाअधिवेशनमा अर्थवाद,डनवाद र लेखा समूहका कर्मचारीहरु हाबी भएको भन्दै इमान्दार कर्मचारीहरुले गुनासो पोख्दै हिड्न थालेका छन् ।

Advertisement 1

यातायात कार्यालयका गन्हाएका कर्मचारी गोविन्दराज शिवाकोटी र होमबहादुर खड्कालाई तेश्रो पटक केन्द्रिय कार्यसमितिमा पारिएको छ ।

कर्मचारी संगठनका आडमा काठमाडौं उपत्याका र सिंहदरबार र त्यसमा पनि मालदार कार्यालय नछाड्ने कर्मचारीहरुको बोलबोला छ । यसरी कर्मचारी संगठनका आडमा सिंहदरबार नछाड्ने एमाले निकट कर्मचारीहरुमा उमेश पराजुली,रामचन्द्र अधिकारी,उमेश्वर काफ्ले,विष्णु अधिकारी,देवी पराजुली लगायत केन्द्रिय पदाधिकारीमा आएका  अधिकांश कर्मचारी उपत्याकाभित्रका मालदार र  सिंहदरबारभित्रका कार्यालयहरुमा पाँच /सात बर्षदेखि अड्डा जमाएर बसेका छन् ।उनीहरुको काम कर्मचारीको हक हितमा भन्दा पनि बढी कर्मचारी सरुवा बढुवामै केन्द्रित रहने गरेको एमालेकै कर्मचारीहरु आरोप लगाउँछन् ।