सप्तरीको कञ्चनरूप नगरपालिकामा हालै नियुक्त रहेका प्रमुख प्रशासकीय अधिकृत रेणुका साहलाई हाजिरी दिन उच्च अदालत जनकपुरले अन्तरिम आदेश दिएको छ ।

Advertisement 1

सामान्य प्रशासन मन्त्रालयले गत कात्तिक ४ मा साहलाई कञ्चनरुपको प्रमुख प्रशासकीय अधिकृतको रूपमा पठाएको थियो । यसअघि छिन्नमस्ता गाउँपालिकाको प्रमुख प्रशासकीय अधिकृतमा सरुवा भएकी साहलाई मन्त्रालयले निर्णय सच्याएर कञ्चनरुप पठाएको हो । हाजिर नगराइएपछि विवाद अदालतसम्म पुगेको थियो । अदालतको आदेशपछि पनि नगर कार्यपालिका भने कनिष्ठ अधिकृतलाई नभई दरबन्दीअनुसार उपसचिव नै नियुक्त भई आउनुपर्ने अडानमा छ ।

उक्त निर्णयअनुसार साहलाई कार्यालयमा हाजिर हुन दिइएन । त्यसपछि कात्तिक २२ मा उनले आफू हाजिर भई कामकाज गर्न पाउनुपर्ने मागदाबीसहित उच्च अदालत जनकपुरको राजविराज इजलासमा निवेदन दिएकी थिइन् ।

Advertisement 2

अदालतले आदेश दिए पनि नगरपालिकाले साहलाई अझै हाजिर गराएको छैन । उनले नगरपालिकाविरुद्ध अदालतको अपहेलना मुद्दा चलाउने बताइन् ।