पूर्व प्रधानमन्त्री तथा नेकपा एकीकृत समाजवादी पार्टीका अध्यक्ष माधवकुमार नेपालले अर्ली इलेक्सनको प्रस्ताव राखेका छन् । उनले संसद बिघटन गरेर अर्ली इलेक्सनमा जाँदा उचित हुने प्रस्ताव राखेका हुन । नेपालले प्रमुख प्रतिपक्षी नेकपा एमालेले संसद चल्न नदिएर दुस्ख दिइरहेको भन्दै अर्ली इलेक्सनमा जाँदा उचित हुने बताएका हुन्। उनले प्रमुख प्रतिपक्षी दल एमालेको अवरोध नटुंगिएकाले अब संसद् भंग गरेर चुनावमा जानुपर्ने बताएका हुन। नेपालले भने,केपी ओलीलाई कति सहने ? एमालेले हाउस चल्न नदिने, भत्ता पनि खाइरहने, हामीलाई पनि हैरान पार्ने, त्यसैले अब संसद् भंग गर्ने, संसद् पनि रहन्न, यो वितण्डा पनि रहन्न । अब सबै निर्वाचनमा जाऔं ।
पछिल्लो समयमा सत्तारुढ दलका शीर्षस्थ नेताहरुबीच अर्लि इलेक्सनको बिषयमा छलफल बाक्लिएको छ । प्रधानमन्त्रीको सरकारी निवास बालुवाटारमा सत्ता गठबन्धन दलका नेताहरु छलफलको भएको बताइएको छ ।
अर्लि इलेक्सनमा गएको खण्डमा आगामी बैशाख ३० गते घोषणा गरिएको निर्वाचन धकेलिने सम्भावना बढ्दै गएको हो ।