सरकारी जागिरबाट निवृत्त भएपछि नामको अघि भूपु जोडिहाल्छ । तर साहित्य,श्रृजना भन्ने चिज यस्ता हुन् जस्मा समर्पित व्यक्ति कहिल्यै भूपु हुँदैन् । आज हामी सरकारी सिन्दुर पहिरिएर सेवासँगै साहित्य र श्रृजनाका आकाशमा होमिएका केही कर्मचारीका बारेमा चर्चा गर्नेछौं ।

Advertisement 1

धेरैलाई थाहा नहुन सक्छ । अहिलेका प्रमुख निर्वाचन आयुक्त दिनेश कुमार थपलिया गीतकार पनि हुन् । संखुवासभाको एउटा गाउँमा जन्मिएर निजामती सेवामा प्रवेश गरेका उनी लामो समयसम्म संघीय मामिला तथा सामान्य प्रशासन मन्त्रालयमा बिताए । आज उनी सरकारी सेवामा जुन तहमा पुगेका छन् त्यसभन्दा कम छैन उनको सांगीतिक करिअर । उनको चर्चित गीतमध्ये एक हो आइलभ यू भन्न मन लाग्यो । पछिल्लो समय रिलिज गरिएको अनि ईन्दिरा जोशी र सरोज ओलीले गाएको आई लभ यू भन्न मन लाग्यो बोलको गीत झण्डै तीन करोडले हेरिसकिएको छ । यो गीत युट्युमा यति चर्चित छ भने उनका अन्य गीत पनि कम छैनन् । तीन वटाभन्दा बढी एल्बम नै निकालिसकेका लेखक दिनेश थपलियाले लेखेको माछीले खाने खोलीको लेउ बोलको गीतमा सरोज ओली र मेलिना कार्कीको स्वर सुन्न सकिन्छ । यो गीतले तीन करोड ६० लाख भन्दा बढी भ्यू बटुलेको छ ।

यही भीडमा थपिँदै छन् अर्को सचिव सुरेश आचार्य।
नेपाल सरकारका सचिव सुरेश आचार्यको परिचय अब कुशल प्रशासकमा मात्र सीमित रहेन् । यस अघि गहिरो छ माया,तिम्रो प्रेरणाले,मुलुकले आज केही खोजिरहेछ, ‘रमाउँदै आयौ’ चुपचाप गीति एल्बम, हाम्रो मौलिक शहर, मन्द मुस्कान तिम्रो नयाँ बर्षका दिन सार्वजनिक भएको छ । इञ्जियर व्याकराउण्ड आचार्यले जागिरे जीवनमो लामो कालखण्ड लामो समय पर्यटन मन्त्रालयमा बिताए । सचिव पदमा बढुवा भएसँगै नेपाल ट्रष्टको कार्यालय,पुर्ननिर्माण प्राधिकरण,शिक्षा विज्ञान तथा प्रविधि मन्त्रालयको (प्राविधिक), खानेपानी, प्रधानमन्त्री कार्यालय हुँदै हाल शहरी बिकास मन्त्रालयको कमाण्ड गर्न आइपुगेका छन् उनी ।

Advertisement 2

अहिलेका भूमि व्यवस्था,सहकारी तथा गरिबी निवारण मन्त्रालयका सचिव डा. दामोदर रेग्मी गीतकार हुन् । उनको एक अञ्जुली मायाको उपहार छरिदेउ बोलको गीत हिजोवाट सार्वजनिक भएको छ । गीत सार्वजनिक हुनासाथ टिकटक लगायत सामाजिक संजालमा हजारौ भ्यू शेयर र लाइक भैसकेको छ ।

रोमान्टिक शैलीको गीत भएपनि यसअघिका गीतमा कम प्रयोग भएका शव्दहरु गीतमा प्रयोग गरिएको र ती शव्दहरुमा गायक र संगीतकारले गहनता बुझि कर्णप्रिय गीत बनेको गीतकार डा. दामोदर रेग्मीले बताए । नेपालको प्रशासन व्यवस्थापन र वित्त क्षेत्रको वारेमा नियमित कलम चलाउदै आएका डा. दामोदर रेग्मीको शव्द चयन अति आकर्षक रहेको र यसमा संगीतकार किरण कडेलले मेहनतपूर्वक संगीत भरिदिएकोले गीत धेरै राम्रो बनेको कुरा गायक आनन्द कार्कीले फेसवुक लाइभ मार्फत बताएका छन् ।

यस्तै अर्को उप सचिव माधव ढकालको चर्चित गीत”तिम्रो मेरो सम्बन्धको चर्चा चल्छ चल्न देऊ बोल”को गीत बर्षको सर्वोत्कृष्ट गीतको अवार्ड समेत हात पार्न सफल रह्यो । उनै ढकालले केही अघि बजारमा ल्याए दोश्रो गीति एल्वम “तिम्रो महल” । रामकृष्ण ढकालको स्वर रहेको सो गीत अहिले सामाजिक सञ्जाल युट्युबमा सात लाख ७० हजार बढीले हेरिसकेका छन् ।गजल लेखनमा बढी रुची राख्ने ढकालले ०६४ सालमै गजल संग्रह प्रकाशमा ल्याए । तीन बर्ष पछि ०६७ मा पहिलो चर्चा एल्वम बजारमा ल्याएका उनी साहित्य र श्रृजनामा जमेर लागेका राष्ट्रसेवक हुन् । ढकालमा साहित्यिको नशा कस्तोसम्म छ भने सरकारी सेवामा प्रवेश गर्नु अघि एक साहित्यिक पत्रिकाको सम्पादक रहेर पनि काम गरे ।

यसरी सरकारी जागिरसँगै साहित्य र श्रृजनामा होमिनेहरुमा पूर्व सचिव दिनेशहरि अधिकारी,चन्द्र घिमिरे,कालिप्रसाद रिजाल, मुख्य सचिव भोजराज घिमिरेसम्म छन् । सह सचिवबाट अवकाश पाएका प्रतिक ढकाल नियात्राकारको रुपमा चर्चित छन् । उनीहरुजस्तै एस्पी कोइराला,चुणामणि देवकोटा,शक्ति वल्भव,गणेशराज बस्तीहरु जागिर र साहित्य श्रृजना सँगसँगै लैजाने प्रशासकहरुमा पर्दछन् ।

सह सचिव (प्रा) गणेशराज बस्ति संघर्ष कृति प्रकाशमा ल्याएका छन् । पूर्व बाग्मती प्रदेशका प्रमुख सचिव डा मानबहादुर विके,पूर्व सचिव गोपीनाथ मैनालीहरु समेत साहित्य श्रृजनासमेत उत्तिकै सक्रिय प्रशासक हुन् ।